ஐஸ்வர்யா ராய் குறித்த சர்ச்சை பேச்சுக்கு நடிகர் ரன்பீர் கபூர் விளக்கம்

Bookmark and Share

ஐஸ்வர்யா ராய் குறித்த சர்ச்சை பேச்சுக்கு நடிகர் ரன்பீர் கபூர் விளக்கம்

நடிகை ஐஸ்வர்யா ராய் தனக்கு குழந்தை பிறந்ததை தொடர்ந்து, நீண்ட இடைவெளிக்கு பிறகு நடித்த படம் “ஏ தில் ஹை முஷ்கில்”. பல்வேறு பிரச்சினைகளை கடந்து வெளிவந்துள்ள இந்த படத்தில், ரன்பீர் கபூர் கதாநாயகனாக நடித்துள்ளார்.

இப்படத்தில், ரன்பீர் கபூருடன் ஐஸ்வர்யா ராய் நெருக்கமாக நடித்த காட்சிகள் படம் திரைக்கு வரும் முன்பே வெளியாகி சர்ச்சையை கிளப்பியது. இருவரும் நெருக்கமாக இருக்கும் படுக்கையறை காட்சி படத்தின் கதைக்கு அவசியம் எனக்கூறி ஐஸ்வர்யாராயே பரிந்துரை செய்ததாக கூறப்பட்டது.

இந்த நெருக்கமான காட்சிகள், அமிதாப் பச்சன் குடும்பத்திலும் குழப்பத்தை ஏற்படுத்தியதாக கூறப்பட்டது. இந்த நிலையில் ரன்பீர் கபூர் சமீபத்தில் ரேடியோ ஒன்றுக்கு அளித்த பேட்டியில் சர்ச்சைக்குரிய விதத்தில் பேசியது, எரிகிற தீயில் எண்ணெயை ஊற்றியது போல் அமைந்தது.

அதாவது, ஐஸ்வர்யாராயுடனான நெருக்கமான காட்சிகள் குறித்து கேள்வி எழுப்பப்பட்டபோது ரன்பீர் கபூர் அளித்த பதிலில், “முதலில் அவரது (ஐஸ்வர்யா ராய்) கன்னத்தை தொடக்கூட தயங்கினேன், பயத்தில் என் கைகள் நடுங்கின. பின்னர் தயக்கம் இன்றி நடிக்குமாறு கூறி ஐஸ்வர்யா ராய் தான் எனக்கு ஊக்கமளித்தார். இப்படி ஒரு வாய்ப்புக்காகத் தான் காத்திருந்தேன். வாய்ப்பு கிடைத்தது அதில் சிக்சர் அடித்துவிட்டேன்” என்று தெரிவித்தார்.
அவரது இந்த கருத்து சர்ச்சையை கிளப்பியது.

தனது சர்ச்சை பேச்சுக்கு ரன்பீர் கபூர் விளக்கம் அளித்து உள்ளார். அவர் கூறியதாவது:-
நான் அளித்த பேட்டி மிகவும் தவறான சுவையுடன் புரிந்துகொள்ளப்பட்டுள்ளது. தற்போது புரிந்து கொள்ளப்பட்ட அர்த்தத்தில் நான் பேசவில்லை. இந்த பிரச்சினையில் என் மனது புண்பட்டு உள்ளது. எனது கபடமற்ற பேச்சு ஊதி பெரிதாக்கப்பட்டு விட்டது.

ஐஸ்வர்யா ராய் மிகச் சிறந்த நடிகை மட்டும் அல்ல, என் குடும்ப நண்பர். அவர் இந்தியாவின் மிகச் சிறந்த திறமைசாலி. அனைவராலும் மதிக்கப்படக்கூடியவர். “ஏ தில் ஹை முஷ்கில்” படத்தில் அவரது பங்களிப்பிற்கு நான் எப்போதும் கடமை பட்டவனாக இருப்பேன். நான் ஒருபோதும் அவரை அவமதிக்கவில்லை.
இவ்வாறு அவர் கூறினார். 


Post your comment





Related News
பிக்பாஸ் ரைசாவை கொண்டாட்டத்தில் ஆழ்த்திய விஷயம்..!
சென்னையில் நடைபெற்ற "லக்‌ஷ்மி" படத்தின் பத்திரிக்கையாளர் சந்திப்பு..!
'மறைந்திருந்து பார்க்கும் மர்மம் என்ன' படத்தில் நடிக்க காரணம் இதுதான் ; நெகிழும் சரண்யா பொன்வண்ணன்
பாக்ஸ் ஆபீஸை துளைக்கும் மன்மதனின் அம்பு!
லட்சுமி ராய் நடிக்கும் பேண்டஸி படம் 'சிண்ட்ரல்லா' !
வெளியேறியபின் ஷரீக்கிடம் காதலை சொன்ன ஐஸ்வர்யா! அம்மா முன்பே ஷரீக் சொன்ன பதில்
மாட்டிக்கொண்ட ஐஸ்வர்யா! சுற்றிவளைத்து கமல்ஹாசன் சரமாரி கேள்வி - அழுத சம்பவம்
காதல் ரசிகர்களுக்கு விருந்து வைக்க வரும் பியார் பிரேம காதல்..!
பியார் பிரேமா காதல் படத்தின் ரிலீஸ் தேதியில் மாற்றம்
நான் ஏன் எல்லோரையும் கொடுமைப்படுத்தினேன் தெரியுமா? பிக்பாஸ் ஐஸ்வர்யா வெளியிட்ட உண்மை








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions