துபாயில் ரூ.54 கோடிக்கு ஆடம்பர பங்களா வாங்கிய ஐஸ்வர்யாராய்

Bookmark and Share

துபாயில் ரூ.54 கோடிக்கு ஆடம்பர பங்களா வாங்கிய ஐஸ்வர்யாராய்

நடிகை ஐஸ்வர்யாராய் 1994-ல் உலக அழகி பட்டம் வென்று சினிமாவில் அறிமுகமானார். அதிக படங்களில் நடித்து இந்தி பட உலகில் முன்னணி கதாநாயகியாகவும் உயர்ந்தார். 

தமிழில் இருவர், ஜீன்ஸ், படங்களில் நடித்தபோது ஐஸ்வர்யாராயின் மார்க்கெட் மந்தமாகவே இருந்தது. அதன்பிறகு இந்தியில் மளமளவென படங்கள் குவிந்தன. கண்டுகொண்டேன் கண்டு கொண்டேன், ராவணன், எந்திரன் ஆகிய படங்களில் நடித்தும் தமிழ் ரசிகர்கள் மத்தியில் பிரபலமாக இருக்கிறார்.

2007-ல் இந்தி சூப்பர் ஸ்டார் அமிதாப்பச்சன் மகன் நடிகர் அபிஷேக்பச்சனை காதல் திருமணம் செய்து கொண்டார். இவர்களுக்கு ஆராத்யா என்ற பெண் குழந்தை உள்ளது. ஐஸ்வர்யாராய்க்கு தற்போது 42 வயது ஆகிறது. திருமணத்துக்கு பிறகும் சினிமாவில் நடித்து வருகிறார். ஒரு படத்துக்கு ரூ.10 கோடி வரை சம்பளம் வாங்குகிறார். விளம்பர படங்களில் நடித்தும் சம்பாதிக்கிறார்.

தனது வருமானத்தை ரியல் எஸ்டேட்டில் அவர் முதலீடு செய்வதாக கூறப்படுகிறது. இந்த நிலையில் துபாயில், ஆடம்பர பங்களா ஒன்றையும் தற்போது அவர் வாங்கி இருக்கிறார்.

துபாயில் சொந்தமாக வீடு வாங்குவது இந்தி நடிகர்-நடிகைகளின் கனவாக இருக்கிறது. சல்மான்கான், ஷாருக்கான் இருவரும் ஏற்கனவே அங்கு வீடு வாங்கி இருக்கிறார்கள். ஐஸ்வர்யாராய் துபாயில் வாங்கி இருக்கும் வீட்டின் மதிப்பு ரூ.54 கோடி என்று கணக்கிடப்பட்டு உள்ளது.

இந்த வீடு நவீன வசதிகளுடன் ஆடம்பரமாக கட்டப்பட்டு உள்ளது. வீட்டின் உள் அலங்காரத்துக்கே பல கோடி செலவிடப்பட்டு உள்ளது. நீச்சல் குளம், மினி தியேட்டர், போன்றவைகளும் உள்ளன. நவீன பாதுகாப்பு வசதிகளுடன் இந்த வீடு கட்டப்பட்டு உள்ளது. 


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions