அஜீத் பிறந்தநாளில் "ரஜினி"யுடன் மோதும் சூர்யாவின் 'மாஸ்'?

Bookmark and Share

அஜீத் பிறந்தநாளில்

அஜித் பிறந்த நாளான மே 1ம் தேதி வெங்கட்பிரபு இயக்கத்தில் சூர்யா நடித்திருக்கும் 'மாஸ்' திரைப்படம் வெளியாக இருப்பதாகத் தகவல்கள் வெளியாகியுள்ளது. 'அஞ்சான்' படத்தைத் தொடர்ந்து வெங்கட்பிரபு இயக்கத்தில் சூர்யா நடித்துள்ள படம் மாஸ். இப்படத்தில் சூர்யாவுக்கு ஜோடியாக நயன்தாரா நடித்துள்ளார்.

இது தவிர பிரணிதா, சமுத்திரக்கனி, பார்த்திபன், பிரேம்ஜி உள்ளிட்ட பலரும் இப்படத்தில் நடித்துள்ளனர். அஜீத் பிறந்தநாளில் ஸ்டூடியோ க்ரீன் நிறுவனம் தயாரித்திருக்கும் இப்படத்தை ஈராஸ் நிறுவனம் வெளியிட இருக்கிறது.

யுவன் ஷங்கர் ராஜா இசையில் படத்திற்கு ஒளிப்பதிவு ஆர்.டி.ராஜசேகர். இப்படத்தின் படப்பிடிப்புகள் துரித கதியில் நடந்து வருகிறது. இப்படத்தின் இசை வெளியீடு தேதியே இன்னும் அறிவிக்கப் படாத நிலையில், இப்படத்தை மே 1ம் தேதி ரிலீஸ் செய்ய திட்டமிட்டிருப்பதாகத் தெரிகிறது.

இதே நாளில் பொன்ராம் இயக்கத்தில் சிவகார்த்திகேயன், கீர்த்தி சுரேஷ், சமுத்திரகனி, சூரி நடிக்கும்'ரஜினி முருகன்' படமும் வெளியாகும் என அறிவிக்கப்பட்டுள்ளது. இதே மே 1ம் தேதியில் தான் ‘வருத்தப்படாத வாலிபர் சங்கம்' வெளியாகி ஹிட்டடித்தது குறிப்பிடத்தக்கது.

இந்நிலையில் இவ்விரு படங்களில் இசை மற்றும், டீஸர், டிரெய்லர்கள் மார்ச் இறுதியில் அல்லது ஏப்ரல் முதல் வாரத்தில் வரும் என எதிர்பார்க்கப்படுகிறது.


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions