நடிகர் - நடிகைகள் ஓட்டுப்போட அரசு எடுத்த அதிரடி முடிவு!

Bookmark and Share

நடிகர் - நடிகைகள் ஓட்டுப்போட அரசு எடுத்த அதிரடி முடிவு!

தமிழக சட்டமன்ற தேர்தல் 16-ந்தேதி நடக்கிறது. அன்றைய தினம் அரசு விடுமுறை அறிவிக்கப்பட்டுள்ளது. தனியார் நிறுவனங்களும் விடுமுறை அறிவித்துள்ளன.

இதுபோல் நடிகர்-நடிகைகள் உள்ளிட்ட திரையுலகினர் ஓட்டுப்போடுவதற்கு வசதியாக அன்றைய தினம் படப்பிடிப்புகள் அனைத்தும் ரத்து செய்யப்படுவதாக தயாரிப்பாளர் சங்கம் அறிவித்துள்ளது.

16-ந்தேதி வாக்குப்பதிவின்போது ஓட்டுப்போட்டு தங்களின் ஜனநாயக கடைமையை ஆற்ற நடிகர்-நடிகைகள் தயாராகிறார்கள்.

ரஜினிகாந்த் ‘கபாலி’ படத்தை முடித்து விட்டு தற்போது ‘எந்திரன்’ படத்தின் இரண்டாம் பாகமான 2.0 படத்தில் நடித்துக்கொண்டு இருக்கிறார். திங்கட்கிழமை ஸ்டெல்லா மேரீஸ் கல்லூரி வாக்குச்சாவடியில் அவர் ஓட்டுப்போடுகிறார்.

கமல்ஹாசன் சபாஷ் நாயுடு படப்பிடிப்புக்காக அமெரிக்கா செல்ல தயாராகிறார். திங்கட்கிழமை சென்னையில் இருந்தால் ஓட்டுப்போடுவேன் என்று அவர் கூறி உள்ளார்.

விஜய் தனது 60-வது படத்தில் பரதன் இயக்கத்தில் நடித்துக்கொண்டு இருக்கிறார். அவர் திங்கட்கிழமை ஓட்டுப்போட வருகிறார்.

அஜித் வேதாளம் படம் வெளியான பிறகு முழங்கால் வலிக்கு சிகிச்சை பெற்று ஓய்வு எடுத்து வருகிறார். அவரும் ஓட்டுப்போடுகிறார். விக்ரமும் ஓட்டுப்போட வருகிறார்.

நடிகர் விஷால் கத்திச்சண்டை படப்பிடிப்பில் இருக்கிறார். கண்டிப்பாக ஓட்டுப்போடுவேன் என்று அவர் கூறி உள்ளார்.

காஷ்மோரா படப்பிடிப்பில் இருக்கும் கார்த்தி ஓட்டுபோட வருகிறார். நடிகர் சூர்யா வாக்குப்பதிவு நாளில் சென்னையில் இல்லை. ஒருமாத ஓய்வுக்காக அமெரிக்கா சென்றுள்ளார். ஜெயம்ரவி, தனுஷ், சிம்பு மற்றும் திரிஷா உள்ளிட்ட நடிகர்-நடிகைகள் பலரும் ஓட்டுப்போடுகிறார்கள்.


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions