15 வயது பெண்ணுக்கு அம்மாவாக நடித்ததை பெருமையாக கருதுகிறேன்: அமலாபால் நெகிழ்ச்சி

Bookmark and Share

15 வயது பெண்ணுக்கு அம்மாவாக நடித்ததை பெருமையாக கருதுகிறேன்: அமலாபால் நெகிழ்ச்சி

நடிகர் தனுசின் சொந்த பட நிறுவனமான ‘ஒண்டர் பார்’ தயாரித்து, அஸ்வினி ஐயர் திவாரி இயக்கத்தில், அமலாபால் கதைநாயகியாக நடித்துள்ள படம், ‘அம்மா கணக்கு.’ இந்த படத்தின் பாடல்கள் வெளியீட்டு விழா, சென்னை பிரசாத் லேப் ஸ்டூடியோவில் நடந்தது.

விழா முடிந்ததும் அமலாபால் நிருபர்களுக்கு பேட்டி அளித்தார். அப்போது அவர் கூறியதாவது:-

‘‘இது, எனக்கு விசேஷமான படம். கதாநாயகர்களுக்கு ஜோடியாக ஒரே மாதிரி நடித்துக் கொண்டிருந்த எனக்கு மாறுதலாக அமைந்த படம். ‘‘இது, ஒரு தாய்-மகள் பற்றிய கதை’’ என்று தனுஷ் என்னிடம் சொன்னதும், ‘‘என் கதாபாத்திரம் எது?’’ என்று கேட்டேன். அம்மா கதாபாத்திரம் என்று தனுஷ் சொன்னார். பத்தாம் வகுப்பு படிக்கும் ஒரு மாணவிக்கு நீங்கள் அம்மாவாக நடிக்க வேண்டும் என்றார்.

எனக்கு 24 வயதுதான் ஆகிறது. ‘அம்மா கணக்கு’ படத்தில் 15 வயது பெண்ணுக்கு அம்மாவாக நான் நடித்ததை பெருமையாக கருதுகிறேன். என் கதாபாத்திரத்தின் பெயர், சாந்தி. மகளுக்கு உயர் கல்வி கொடுக்க வேண்டும் என்பதற்காக, கஷ்டப்பட்டு உழைக்கும் வேலைக்கார பெண்ணாக நடித்து இருக்கிறேன்.

இது, எனக்கு சவாலான வேடமாக இருந்தது. படப்பிடிப்புக்காக அதிகாலை 7 மணிக்கே மீன் மார்க்கெட்டுக்கு போய் விடுவேன். மாலை 6 மணி வரை அந்த சூழ்நிலைக்கு என்னை பழக்கிக் கொண்டு நடித்தேன்.

இந்த படம் எனக்கு கிடைத்ததே தேசிய விருது கிடைத்த மாதிரிதான். என் நடிப்புக்காக தேசிய விருது கிடைத்தால் சந்தோஷப்படுவேன்.

நிஜவாழ்க்கையில், நான் மிகவும் உணர்ச்சி வசப்பட்ட பெண். ‘அம்மா கணக்கு’ படத்தில் சாந்தி கதாபாத்திரம் மிக பொறுமையானவள். என்னை கதாபாத்திரமாக மாற்றிக்கொள்வதற்காக, தினமும் யோகா மற்றும் தியானம் செய்தேன். என் கணவர் டைரக்டர் விஜய் ஒரே ஒரு நாள் படப்பிடிப்புக்கு வந்தார். என்னைப் பார்த்து ஆச்சரியப்பட்டார். ‘‘இப்படியே நீ இருந்து விடலாம்’’ என்று கிண்டலாக பாராட்டினார்.

இவ்வாறு அமலாபால் கூறினார்.

பேட்டியின்போது நடிகர் தனுஷ், டைரக்டர் அஸ்வினி ஐயர் திவாரி ஆகியோர் உடன் இருந்தார்கள்.


Post your comment





Related News
அடுத்த சன்னிலியோன் நீங்கதான் - அமலாபாலை விமர்சித்த ரசிகர்கள்
விஷாலை மிரள வைத்த அமலாபால்
எதுவாக இருந்தாலும் 2 நாள்தான் - அமலாபால்
நடிகர் நிவின் பாலி ஒரு உருக்கமான அறிக்கை
மேயாத மான் இயக்குனருடன் இணையும் அமலாபால்..!
பாகுபலி பாணியில் உருவாகியுள்ள மோகன்லால், நிவின் பாலியின் காயம்குளம் கொச்சூன்னி.!
முதல் முறையாக தமிழுக்கு வரும் வட இந்திய கிரிக்கெட் பிரபலம் !!
நிவின் பாலி படத்துக்கு வசனம் எழுதும் மதன் கார்கி..!
இயக்குனர் விஜய்க்கு இரண்டாவது திருமணம்! பெண் யார்?
நம்மை பற்றி வரும் கிசுகிசுக்கள் நல்லது தான் - அமலாபால்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions