மார்பக புற்றுநோய் ஏற்பட்டால் தர்மச்சங்கடத்துக்கு ஆளாகாதீர்கள்: பெண்களுக்கு அமிதாப்பச்சன் வேண்டுகோள்

Bookmark and Share

மார்பக புற்றுநோய் ஏற்பட்டால் தர்மச்சங்கடத்துக்கு ஆளாகாதீர்கள்: பெண்களுக்கு அமிதாப்பச்சன் வேண்டுகோள்

பெண்களை சமீப நாட்களாக மிகவும் அச்சுறுத்தி வரும் வியாதி, மார்பக புற்றுநோய். இதனால், பெண்கள் மிகவும் அவதிப்பட்டு வருகின்றனர். இந்த நிலையில், மார்பக புற்றுநோய் குறித்து விழிப்புணர்வு ஏற்படுத்தும் வகையில், செல்போன் செயலி ஒன்றை மும்பையில் தனியார் நிறுவனம் வடிவமைத்தது.

இதனை 74 வயது நடிகர் அமிதாப்பச்சன் தொடங்கி வைத்தார்.

பின்னர், நிகழ்ச்சியில், அவர் பேசியதாவது:-

சமுதாயத்தில் மார்பக புற்றுநோய் உணர்வுப்பூர்வமான பிரச்சினையாக மாறிவிட்டது. இந்த நோய் ஏற்பட்டால், பெண்கள் தர்மச்சங்கடத்துக்கு ஆளாக கூடாது. பிற வியாதிகளை போல், இதற்கும் சிகிச்சை பெறலாம். நோய் வந்தால் யாரும் சங்கடப்படவோ அல்லது உணர்ச்சிவயப்படவோ கூடாது.

நாம் அனைவரும் மனிதர்கள் தான். எல்லா வகையான வியாதிகளும் நம்மை எளிதில் தாக்க கூடியவை.

பல்வேறு சுகாதார திட்டங்களுக்கு நான் தூதராக செயல்பட்டு வருகிறேன். நோய்கள் குறித்து பொதுமக்கள் மத்தியில் குறைவான அறிவே இருக்கிறது. நோய்களை பற்றிய தவறான கருத்துகளுடன் அவர்கள் வாழ்கிறார்கள். தற்போது தொடங்கப்பட்டுள்ள இந்த செயலி, மார்பக புற்றுநோய் குறித்து சாமானிய மக்களுக்கு விழிப்புணர்வு அளிக்கும்.

நோய் பற்றிய அறிவை பெறுவது பெரிய வேலை. வியாதிகளால் பாதிக்கப்படும் நபர்கள், சில சமயங்களில் டாக்டர்களின் ஆலோசனை வேண்டாம் என்று கருதுகின்றனர். அப்படியே டாக்டரை ஆலோசிப்பது என்றாலும், மிகவும் காலதாமதமாகவே செல்கின்றனர். சரியான தருணத்தில் ஆலோசனை பெறுவது நல்ல பயன் அளிக்கும்.

இவ்வாறு அமிதாப்பச்சன் தெரிவித்தார். 


Post your comment





Related News
பாலியல் தொல்லைகளால் பாதிக்கப்படும் பெண்களுக்கு பொதுமக்கள் ஆதரவு அளிக்க வேண்டும்: அமிதாப்பச்சன்
குவாலியர் மகாராணியின் வாழ்க்கை வரலாறு: சினிமா டிரெயிலரை அமிதாப் பச்சன் வெளியிட்டார்
அமிதாப்பச்சன் வீட்டில் சுவர் ஏறி குதித்தவர் கைது
தமிழ் சினிமாவே கொண்டாடும் மாஸ் சீனுக்கு இப்படி ஒரு சோதனை நடந்ததா?
எனது சொத்துக்கள் சமமாக பங்கிடப்படும்: பாலின சமத்துவத்துக்கு ஆதரவாக அமிதாப் பச்சன் குரல்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions