வட அமெரிக்காவின் 13 பெருநகரங்களில் மார்ச் 21 முதல் ஜூன் 14 வரை ஏ.ஆர்.ரஹ்மானின் தொடர் இசை நிகழ்ச்சி

Bookmark and Share

வட அமெரிக்காவின் 13 பெருநகரங்களில் மார்ச் 21 முதல் ஜூன் 14 வரை ஏ.ஆர்.ரஹ்மானின் தொடர் இசை நிகழ்ச்சி

இசைப்புயல் ஏ.ஆர்.ரஹ்மான் வட அமெரிக்காவின் 13 பெருநகரங்களில் மார்ச் 21 முதல் ஜூன் 14-ம் தேதி வரை தொடர் இசை நிகழ்ச்சி நடத்தவுள்ளார்.

ரோஜா படத்தில் இடம் பெற்ற ‘சின்ன சின்ன ஆசை’ பாடலின் மூலம் திரை இசையுலகில் பிரபலமடைந்து, தென்னிந்திய மொழிகள், இந்தி என்ற எல்லையையும் கடந்து ‘ஹாலிவுட்’ வரை சிறகடித்துப் பறந்தவர், ஏ.ஆர். ரஹ்மான்.

'ஸ்லம் டாக் மில்லியனைர்’ படத்தில் சிறந்த முறையில் பாடலுக்கான மெட்டமைத்ததற்கு ஒன்று, சிறப்பாக பின்னணி இசையமைத்ததற்காக மற்றொன்று என ஒரே மேடையில் 2 ஆஸ்கர் விருதுகளை பெற்று இந்தியாவின் புகழையும், பெருமையையும் சர்வதேச அரங்கில் இவர் நிலைநாட்டினார்.

இவை தவிர, இசைத்துறை சாதனையாளர்களுக்கு அளிக்கப்படும் ‘கிராமி’ விருதினை இருமுறையும், ‘பாஃப்டா’ மற்றும் கோல்டன் குளோப் விருதை தலா ஒரு முறையும், ஸ்காட்லாந்தின் பாரம்பரியமிக்க இசைக்கல்வி மையமான 'ராயல் கன்சர்வோடயர் ஆப் ஸ்காட்லாந்து' வழங்கிய கவுரவ டாக்டர் பட்டம் உள்ளிட்ட 6 கவுரவ டாக்டர் பட்டங்களையும் பெற்றுள்ள 'இசைப்புயல்' ஏ.ஆர். ரஹ்மான் இம்மாதம் 21-ம் தேதியில் இருந்து வரும் ஜூன் மாதம் 14-ம் தேதி வரை வட அமெரிக்காவில் சுமார் 4 மாதகாலம் தொடர் இசை நிகழ்ச்சிகளை நடத்தவுள்ளார்.

தற்போது, உலக பிரபலமான கால்பந்தாட்ட வீரர் பீலே-வின் வாழ்க்கை வரலாறு திரைப்படமாக உருவாகி வருகின்றது. இந்த படத்துக்கு இசையமைத்து வரும் ஏ.ஆர்.ரஹ்மான்(48), இந்த வட அமெரிக்க இசைப்பயணத்தின் போது இங்குள்ள 13 முக்கிய பெருநகரங்களில் ‘ஏ.ஆர். ரஹ்மான்-ஒரு நெருக்கமான இசைப்பயணம்’ என்ற தலைப்பில் இசை நிகழ்ச்சிகளை நடத்த திட்டமிட்டுள்ளார்.

‘ரோஜா’ தொடங்கி இதுவரை 20 ஆண்டுகளாக இசையமைத்துள்ள சுமார் 100 திரைப்படங்களின் சிறந்த பாடல்கள் மற்றும் தனி இசைக்கோர்வை போன்றவை இந்த நிகழ்ச்சிகளின் போது இசைக்கப்படும் எனவும், இந்த நிகழ்ச்சிகளை கண்டு ரசிப்பதற்கான டிக்கெட் விற்பனை மார்ச் 6-ம் தேதி தொடங்கும். வி.ஐ.பி. பேக்கேஜ் டிக்கெட் விற்பனை மார்ச் 4 வரையில் நடைபெறும் என்றும் அறிவிக்கப்பட்டுள்ளது.

வட அமெரிக்காவில் கடந்த 2010-ம் ஆண்டு இதேபோல் இசை சுற்றுப்பயணம் மேற்கொண்ட ஏ.ஆர். ரஹ்மான் சுமார் 5 ஆண்டுகளூக்கு பிறகு தற்போது மீண்டும் அங்கு நிகழ்ச்சிகளை நடத்த செல்கிறார் என்பது குறிப்பிடத்தக்கது. 

 


Post your comment





Related News
முருகதாஸ் படத்தில் போலீஸ் அதிகாரியாக ரஜினிகாந்த்?
வதந்திக்கு முற்றுப்புள்ளி வைத்த இயக்குனர் ஏ.ஆர்.முருகதாஸ்
சிவகார்த்திகேயன் பட இயக்குனர் படத்தில் விஜய் சேதுபதி
என்னுடன் நடித்ததிலேயே சிறந்த தொழில்முறை நடிகை இவள் தான் - வரலட்சுமி
அடுத்த படத்திற்கு தயாராகும் விக்ரம்
தமிழில் வெளியாகும் ராம் சரணின் ஆக்‌ஷன் படம்
கேரள அரசு சார்பில் பி.சுசீலாவுக்கு அரிவராசனம் விருது
மறுமண அழைப்பிதழை திருப்பதி கோவிலில் வைத்து ரஜினி மனைவி, மகள் தரிசனம்
சிக்கலில் ரஜினியின் பேட்ட
திருமணம் செய்து கொள்ளாமல் ஆரவ்வுடன் சேர்ந்து வாழ்கிறேனா? - நடிகை ஓவியா விளக்கம்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions