பீப்பாடல் விவகாரம்: நாளை சிம்பு சென்னை போலீசில் ஆஜர் ஆவாரா?

Bookmark and Share

பீப்பாடல் விவகாரம்: நாளை சிம்பு சென்னை போலீசில் ஆஜர் ஆவாரா?

நடிகர் சிம்புவின் ஆபாச பாடல் விவகாரம் கடந்த சில தினங்களுக்கு முன்னர் பெண்கள் மத்தியில் கடும் எதிர்ப்பை கிளப்பியது. சென்னையில் உள்ள அவரது வீட்டு முன்பு போராட்டங்களும் நடைபெற்றன.

பல்வேறு போலீஸ் நிலையங்களில் சிம்பு மீதும், அவர் பாடிய பாடலுக்கு இசை அமைத்ததாக கூறப்படும் அனிருத் மீதும் புகார்கள் கூறப்பட்டது. இதையடுத்து கோவை மற்றும் சென்னை போலீசார் சிம்பு மீது வழக்கு பதிவு செய்தனர்.

இதையடுத்து முன்ஜாமீன் கேட்டு சிம்பு சென்னை ஐகோர்ட்டில் மனு தாக்கல் செய்தார். இந்த மனுவை விசாரித்த நீதிபதி சிம்பு மீது போடப்பட்டிருக்கும் சட்டப் பிரிவுகளுக்கு முன் ஜாமீன் தேவையில்லை என்றும், அவை ஜாமீனில் வெளிவரக் கூடிய சட்டப் பிரிவு என்பதால், சம்பந்தப்பட்ட கோர்ட்டை அணுகி அவர் ஜாமீன் பெற்றுக் கொள்ளலாம் என்றும் கூறியிருந்தார்.

மேலும் சிம்பு ஜனவரி 11–ந்தேதி அன்று விசாரணைக்காக சென்னை போலீசில் ஆஜராக வேண்டும் என்றும் நீதிபதி உத்தரவிட்டார்.

சிம்பு மீது சென்னை போலீஸ் கமிஷனர் அலுவலகத்தில் செயல்படும் மத்திய குற்றப்பிரிவு போலீசார் வழக்கு பதிவு செய்துள்ளனர். எனவே கமிஷனர் அலுவலகத்தில் நாளை சிம்பு ஆஜராவாரா? என்கிற எதிர்பார்ப்பு ஏற்பட்டுள்ளது.

இது தொடர்பாக மத்திய குற்றப்பிரிவு போலீசாரிடம் கேட்ட போது, சிம்பு நாளை விசாரணைக்கு ஆஜரானால் அவரிடம் விசாரணை நடத்தி வாக்கு மூலத்தை பதிவு செய்வோம் என்றனர்.

இதற்கிடையே சென்னையில் போடப்பட்டுள்ள வழக்கை ரத்து செய்ய கோரியும், ஐகோர்ட்டில் ஏற்கனவே சிம்பு சார்பில் மனு தாக்கல் செய்யப்பட்டுள்ளது. அந்த மனு நாளை மறுநாள் (12–ந்தேதி) விசாரணைக்கு வருகிறது. அதில் எந்த மாதிரியான உத்தரவு வரப்போகிறது என்கிற எதிர்பார்ப்பும் ஏற்பட்டுள்ளது.

எனவே சிம்பு நாளை போலீசில் ஆஜர் ஆகாமல் தனது வக்கீல் மூலமாக விளக்கம் அளிக்கலாம் என்றும் கூறப்படுகிறது.


Post your comment





Related News
பீப் சாங்கை தொடர்ந்து மீண்டும் ஒரு பாடலில் சிம்பு, அனிருத் - சூப்பர் தகவல் உள்ளே !
சிம்பு வாழ்கையில் இன்று மறக்கமுடியாத ஒருநாள் ஏன் தெரியுமா?
கோவை கோர்ட்டில் ஆஜராகுமாறு அனிருத்துக்கு மீண்டும் சம்மன்
பீப் பாடலை பாடியது ஏன்? சிம்பு விளக்கம்!
பீப்பாடல் விவகாரத்தில் என் மீது எந்த தவறும் இல்லை: சிம்பு பேட்டி
பீப்பாடல் விவகாரம்: விளக்கம் அளிக்க போலீசாரிடம் ஆஜரான சிம்பு!
சிம்பு மீது உள்ள வழக்கின் விசாரணைக்கு தடைவிதிக்க ஐகோர்ட்டு மறுப்பு
சென்னை,கோவை போலீசில் 29-ம் தேதிக்குள் ஆஜராக சிம்புவுக்கு ஐகோர்ட்டு உத்தரவு
பீப்பாடல் விவகாரம்: சிம்பு உயர்நீதிமன்றத்தில் புதிய மனு தாக்கல்!
வழக்குகளை தடை செய்ய கோரிய சிம்பு மனு தள்ளுபடி








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions