ஜி.வி.பிரகாஷ் ஒரு ஐட்டம்: மேடையில் கிண்டலடித்த பார்த்திபன்

Bookmark and Share

ஜி.வி.பிரகாஷ் ஒரு ஐட்டம்: மேடையில் கிண்டலடித்த பார்த்திபன்

ஜி.வி.பிரகாஷ், ‘கயல்’ ஆனந்தி, மனிஷா யாதவ், சிம்ரன் ஆகியோர் நடிப்பில் உருவாகியுள்ள படம் ‘த்ரிஷா இல்லனா நயன்தாரா’. இப்படத்தின் டிரைலர் இன்று வெளியிடப்பட்டது. இதில் தயாரிப்பாளர் சங்க தலைவர் கலைப்புலி எஸ்.தாணு, இயக்குனர்கள் ஏ.ஆர்.முருகதாஸ், பார்த்திபன், விஜய், முத்தையா, பாடலாசிரியர் நா.முத்துக்குமார், தயாரிப்பாளர்கள் கே.ஈ.ஞானவேல்ராஜா, சி.வி.குமார், ராஜசேகர் ஆகியோர் சிறப்பு விருந்தினர்களாக கலந்து கொண்டனர்.

படத்தின் டிரைலரை இயக்குனர் முருகதாஸ் வெளியிட இயக்குனர் ஆதிக்கின் அப்பா ரவி கந்தசாமி பெற்றுக் கொண்டார். பல வருடங்கள் உதவி இயக்குனராய் பணிபுரிந்து இப்படத்தில் இணை இயக்குனராய் பணிபுரிந்திருக்கும் ரவி கந்தசாமியை கவுரப்படுத்தும் வகையில் நடந்த இந்நிகழ்வு நிகழ்ச்சியில் பங்கேற்ற அனைவரையும் நெகிழ செய்தது.

படத்தை பற்றி தயாரிப்பாளர் சங்க தலைவர் தாணு பேசும்போது, இயக்குனர் ஆதிக் மிகவும் திறமைசாலி, ‘த்ரிஷா இல்லனா நயன்தாரா’ கதையை சில வருடங்களுக்கு முன் என்னிடம் கூறினார். அப்பொழுது என் நிறுவனத்தின் கீழ் சில படங்கள் தயாரித்து வந்ததால் என்னால் இப்படத்தை தயாரிக்க இயலவில்லை. இப்படத்தை கேமியோ பிலிம்ஸ் ஜெயகுமார் தயாரிக்க முடிவு செய்தது மிக நேர்த்தியான முடிவு என்றார்.

நிகழ்ச்சியை மகிழ்ச்சி வெள்ளத்தில் ஆழ்த்தும் வகையில் ஒரு குட்டி கதையுடன் ஆரம்பித்த இயக்குனர் பார்த்திபன் கூறுகையில் ‘ஜி.வி.பிரகாஷை இப்படி பார்க்க மிக ஆச்சர்யமாய் உள்ளது. பல ஐட்டங்களை உள்ளடக்கியிருக்கும் ஜி.வி.பிரகாஷ் ஒரு ‘ஐட்டம் (Item)' என்று கிண்டல் செய்தார். இயக்குனர் முருகதாஸ் பேசுகையில், வெவ்வேறு துறைகளை கடந்து செல்லும் ஜி.வி.பிரகாஷுக்கு எனது வாழ்த்துக்கள்.

முதலில் என்னுடைய தயாரிப்பில்தான் அவரை கதாநாயகனாக அறிமுகப்படுத்த எண்ணினேன். எனினும் என் தயாரிப்பில் ஜி.வி.பிரகாஷ் கண்டிப்பாக நடிப்பார் எனக் கூறினார். ‘டார்லிங்’ படத்தில் கதாநாயகனாய் அறிமுகம் செய்ததற்கும், இப்பொழுது ‘த்ரிஷா இல்லனா நயன்தாரா’ படத்தை ஸ்டுடியோ க்ரீன் வெளியிடுவதிலும் பெருமகிழ்ச்சியாக இருக்கிறது என கூறினார் தயாரிப்பாளர் ஞானவேல் ராஜா.

படத்தின் கதாநாயகனும், இசையமைப்பாளருமான ஜி.வி.பிரகாஷ் டீசர் வெளியீட்டு விழாவை சிறப்பித்த அனைத்து விருந்தினர்களுக்கும் நன்றி தெரிவித்தார்.


Post your comment





Related News
நயன்தாராவின் வளர்ச்சி குறித்து வியக்கும் ஜோதிகா
ரூ.50 லட்சத்தை விட்டுக்கொடுத்த நயன்தாரா
ஜி.வி.பிரகாஷ் படத்தில் கோத்ரா ரயில் எரிப்பு சம்பவம்
புதிய உறுதி எடுத்த ஜி.வி.பிரகாஷ்
கோலமாவு கோகிலா இத்தனை கோடி வசூலா, செம்ம கெத்து நயன்தாரா
இயக்குனருக்கு சர்ப்ரைஸ் கொடுத்த ரஜினி
கோலமாவு கோகிலாவில் யோகி பாபுவின் காதலை ஏற்றுக் கொள்கிறாரா நயன்தாரா..?
மற்றவர்களுக்காக வாழ முடியாது - நயன்தாரா
சிவகார்த்திகேயனுடன் கை கோர்க்கும் ஹிப்ஹாப் ஆதி..!
திரிஷாவின் திடீர் முடிவு








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions