தெறி படத்தின் மாபெரும் வெற்றியைத் தொடர்ந்து விஜய், பரதன் இயக்கும் பைரவா படத்தில் நடித்து வருகிறார். இப்படத்தில் விஜய்க்கு ஜோடியாக முதல்முறையாக கீர்த்தி சுரேஷ் நடித்து வருகிறார். இப்படத்தின் இறுதிகட்ட படப்பிடிப்பு தற்போது நடைபெற்று வருகிறது.

இந்நிலையில் விஜய்யின் அடுத்த படத்தை ஸ்ரீ தேனாண்டாள் பிலிம்ஸ் நிறுவனம் தயாரிக்கபோவதாகவும் தெறி படத்தை தொடர்ந்து இந்த படத்தையும் அட்லி இயக்குவார் என்றும் கூறப்படுகிறது. இந்த படத்துக்கும் ஜி.வி-யே இசையமைக்க வேண்டும் என அட்லி விரும்பினாராம்.

ஆனால் அவர் தற்போது பிஸி ஹீரோவாகி விட்டதால் வேறொரு இசையமைப்பாளரை படத்தில் புக் செய்யும்படி விஜய் கூறிவிட்டாராம். அதன்படி ஏ.ஆர்.ரகுமான் இப்படத்துக்கு இசையமைப்பார் என கூறப்படுகிறது.