தமிழில் சிறந்த அடித்தளமாக சென்னை 28 – II படம் இருக்கும் – சனா அல்தாப்!

Bookmark and Share

தமிழில் சிறந்த அடித்தளமாக சென்னை 28 – II படம் இருக்கும் – சனா அல்தாப்!

இயற்கை தந்த கொடையாக கருதப்படுவது கேரள மாநிலம்…. சினிமாவின் ஆரம்ப காலத்தில் இருந்தே, தமிழ் சினிமாவிற்கும், கேரளாவிற்கும் நெருங்கிய தொடர்பு இருந்து வருகிறது….தமிழ் திரையுலகின் முன்னணி நடிகையான நயன்தாரா முதல், தற்போதைய மஞ்சிமா மோகன் வரை பல பெண் நட்சத்திரங்கள், கேரளாவில் இருந்து தான் உதயமாகி இருக்கின்றனர்.

தற்போது அந்த வரிசையில் ‘சென்னை – 28 – II’ திரைப்படத்தின் மூலம் இணைய தயாராக இருக்கிறார், கராத்தேவில் ‘பிளாக் பெல்ட்’ பெற்ற, 17 வயது நிரம்பிய சனா அல்தாப். ‘பிளாக் டிக்கெட் கம்பெனி’ சார்பில் வெங்கட் பிரபு தயாரித்து இயக்கி இருக்கும் இந்த ‘சென்னை – 28 – II’ படத்திற்கு இசையமைத்திருக்கிறார் யுவன்ஷங்கர் ராஜா.
“என்னுடைய பொது தேர்வினால் நான் சில மாதங்கள் நடிப்பில் இருந்து விலகி இருக்கும் சூழ்நிலை இருந்தது….அதன் காரணமாக என்னால் நடிப்பில் சரிவர கவனம் செலுத்த முடியவில்லை…. ஆனால் வெங்கட் பிரபு சார் எனக்கு அளித்த தன்னம்பிக்கையும், ஊக்குவித்தலும், என்னை மீண்டும் நடிப்பில் களம் இறக்கியது.

இந்த படத்தில் ஜெய்க்கு ஜோடியாக நடிக்கும் என்னுடைய கதாபாத்திரத்தின் பெயர் அனுராதா. வெறும் கவர்ச்சி மூலம் படத்தை ஒப்பேற்றும் ஒரு சாதாரண கதாபாத்திரமாக இல்லாமல், கதை களத்தை மேற்கொண்டு நகர்த்த கூடிய வலுவான வேடமாக என்னுடைய கதாபாத்திரம் அமைந்திருப்பது எனக்கு எல்லையற்ற மகிழ்ச்சியாக இருக்கின்றது.

ஆரம்பத்தில் தமிழ் எனக்கு சிறிது கடினமாக இருந்தாலும், வெங்கட் பிரபு சார் எனக்கு கொடுத்த முறையான பயிற்சி அந்த கஷ்டத்தை எளிதாகி விட்டது. கலைஞர்களுக்கு சிறந்த ஆசானாக திகழ்பவர் வெங்கட் பிரபு சார்….தமிழ் திரையுலகில் முதல் முறையாக காலடி எடுத்து வைக்கும் எனக்கு, நிச்சயமாக ‘சென்னை – 28 – II’ திரைப்படம் சிறந்ததொரு அடித்தளமாக அமையும்….” என்று நம்பிக்கையுடன் கூறுகிறார் அழகும், ஆற்றலும் ஒருங்கே பெற்ற சனா அல்தாப்.


Post your comment





Related News
மொரிசியசில் தேவி 2 படப்பிடிப்பை ஆரம்பித்த பிரபுதேவா
விக்ரம் பிரபு, அர்ஜுன், ஜாக்கி ஷெராப் நடிக்கும் வால்டர்
மங்காத்தா-2 அஜித் கையில் தான் இருக்கிறது - வெங்கட் பிரபு
நடன இயக்குனர் படத்தில் நடிக்கும் பிரபுதேவா
கேரள மழை வெள்ளம் - பிரபு, ஜெயம் ரவி, கீர்த்தி சுரேஷ் நிதியுதவி
சென்னையில் நடைபெற்ற "லக்‌ஷ்மி" படத்தின் பத்திரிக்கையாளர் சந்திப்பு..!
ஆகஸ்ட் 31 முதல் விக்ரம் பிரபுவின் 60 வயது மாநிறம்
காதலா..? இந்த நடிகருடன் மிகவும் நெருக்கமாகியுள்ள சாயிஷா..!
மாரி 2 படத்தில் இணைந்த பிரபலம், எகிறும் எதிர்பார்ப்பு.!
எம்.ஜி.ஆரின் இதயக்கனி படப்பிடிப்பு நடந்த இடத்தில் பிரபுசாலமனின் “ கும்கி 2 “ படப்பிடிப்பு








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions