காலா படத்தை கர்நாடகாவில் திரையிட எதிர்ப்பதா? - ரஜினிக்கு ஆதரவாக பா.ஜ.க. தலைவர் வாய்ஸ்

Bookmark and Share

காலா படத்தை கர்நாடகாவில் திரையிட எதிர்ப்பதா? - ரஜினிக்கு ஆதரவாக பா.ஜ.க. தலைவர் வாய்ஸ்

ரஜினிகாந்த் நடித்துள்ள காலா திரைப்படம் வரும் 7-ம் தேதி உலகம் முழுவதும் வெளியாகியுள்ள நிலையில் காவிரி விவகாரம் தொடர்பாக சமீபத்தில் ரஜினி தெரிவித்திருந்த கருத்துகளை முன்வைத்து, இந்தப் படத்தை திரையிடப் போவதில்லை கர்நாடக திரைப்பட வர்த்தக சபை தீர்மானித்துள்ளது.

இந்த தடையை மீறி கர்நாடகாவில் காலா திரைப்படம் வெளியானால் இங்குள்ள சில கன்னட அமைப்பினரால் அசம்பாவித சம்பவங்கள் நிகழலாம் என்ற அச்சத்தில் திரையரங்க உரிமையாளர்கள் உள்ளதாக தெரிகிறது.

இந்நிலையில், ரஜினிகாந்த் நடித்த காலா படத்தை திரையிட கர்நாடக மாநிலத்தில் எழுந்துள்ள எதிர்ப்பு தொடர்பாக பா.ஜ.க. தலைவர் ஈஸ்வரப்பா இன்று கருத்து தெரிவித்துள்ளார்.

சிக்மகளூருவில் இன்று செய்தியாளர்களுக்கு பேட்டியளித்த ஈஸ்வரப்பா, ‘அவர்கள் (அரசியல் உள்ளிட்ட) எந்த துறையில் இருந்தாலும் கலைஞர்கள் இந்த நாட்டின் சொத்து. அவர்கள் ஒரு மொழிக்கோ, பிராந்தியத்துக்கோ மட்டும் உட்பட்டவர்கள் அல்ல என்று குறிப்பிட்டார்.

மறைந்த கன்னட நடிகர் ராஜ்குமார் இந்த கர்நாடக மாநில மக்களுக்கு மட்டுமே சொந்தக்காரராக இருந்ததில்லை. நாட்டின் பல பகுதிகளில் பல விருதுகளை அவர் பெற்றுள்ளர். எனவே, கலைஞர்கள் மற்றும் நடிகர்கள் எப்போதுமே ஒட்டுமொத்த நாட்டுக்குமே சொந்தமானவர்கள்தான் என்றும் அவர் தெரிவித்தார். 


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions