சினிமாவில் எந்த கதாபாத்திரத்திலும் என்னால் நடிக்க முடியும்: காஜல் அகர்வால்

Bookmark and Share

சினிமாவில் எந்த கதாபாத்திரத்திலும் என்னால் நடிக்க முடியும்: காஜல் அகர்வால்

காஜல் அகர்வால் நடித்து கடந்த வருடம் ‘மாரி, பாயும் புலி’ ஆகிய படங்கள் வந்தன. தெலுங்கில் ‘டெம்பர்’ என்ற படம் வெளியானது. தற்போது கவலை வேண்டாம், தமிழ், தெலுங்கில் தயாராகும் ‘பிரம்மோற்சவம்’ ஆகிய படங்களில் நடித்துக்கொண்டு இருக்கிறார்.

ஒரு இந்தி படமும் கைவசம் வைத்துள்ளார். காஜல் அகர்வால் ஐதராபாத்தில் அளித்த பேட்டி வருமாறு:-

‘‘சினிமாவில் ஒவ்வொரு நடிகர்-நடிகைக்கும் தனித்திறமை இருக்கிறது. சிலருக்கு நன்றாக நடனம் ஆடத் தெரியும். சிலர் காதல் காட்சிகளில் சிறப்பாக நடிப்பார்கள். இன்னும் சிலருக்கு சோகமாக நடிக்க வரும். ஆனால் எனக்கு எல்லா கதாபாத்திரங்களிலும் நடிக்க வருகிறது.

சினிமாவில் அறிமுகமான புதிதில் எதுவும் தெரியாமல்தான் இருந்தேன். ஆனால் இப்போது எல்லாவற்றையும் கற்றுக்கொண்டு விட்டேன். எந்த வேடம் கொடுத்தாலும் பிய்த்து உதறுவேன்.

நடனம் நன்றாக ஆடுகிறேன். காதல் காட்சிகளில் சிறப்பாக நடிக்கிறேன். சினிமாவுக்கு வந்தபோது அழுகை மட்டும் எனக்கு வராமல் இருந்தது. டைரக்டர்கள் அழுகையை கொண்டு வர மிகவும் கஷ்டப்பட்டனர்.

நான் சிறு வயதில் இருந்தே அழுதது இல்லை. அதனால் அழுகை வரவில்லை. படப்பிடிப்பில் கிளிசரின் போட்டு அழவைப்பார்கள். கண்ணீர் வரும். ஆனாலும் அந்த அழுகையில் ஜீவன் இருக்காது.

இப்போது, அழுவதற்கும் கற்றுக்கொண்டு விட்டேன். கேமரா முன்பு நின்றதும் டைரக்டர் அழச்சொன்னால் முகத்தை சோகத்துக்கு மாற்றி உடனே அழுது விடுகிறேன்.

எனது தோழிகள் நான் அழுவதை பார்த்து ஆச்சரியப்படுகிறார்கள். காட்சிகளோடும், கதையோடும், கதாபாத்திரத்தோடும் இப்போது ஒன்றிப்போய் விடுகிறேன். அதனால் தான் எனது வளர்ச்சி இவ்வளவு தூரம் வந்து இருக்கிறது.’’

இவ்வாறு காஜல் அகர்வால் கூறினார்.


Post your comment





Related News
காஜல் அகர்வாலும், திரிஷாவும் இதற்கு அடிமையா?
இந்த முறை விடமாட்டேன் - காஜல் அகர்வால் திட்டவட்டம்
பாரிஸ் பாரிஸ் படப்பிடிப்பு முடிவடைந்தது - அக்டோபர் வெளியிடு
ஸ்ரீரெட்டி சர்ச்சைக்கு பதிலளித்த நடிகை காஜல்! என்ன சொன்னார் பாருங்கள்..
கடைசி நாள் படப்பிடிப்பில் விமானத்தில் நடித்த காஜல்!
விஜய் பட ஹீரோயின் கொடுக்கும் பிரம்மாண்ட விருந்து! இதுவரை இல்லாதது
காஜல் அகர்வால் இடத்தில் தமன்னா!
காஜல் அகர்வாலையும் விட்டு வைக்காத ஆக்‌ஷன் பட ஆசை
மார்க்கெட்டை தக்க வைக்க காஜல் அகர்வால் எடுத்த புதிய முடிவு
ஸ்ட்ரைக் எதிரொலி, விஷாலால் தெலுங்குக்கு தெறித்தோடும் நடிகைகள்.!








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions