சபாஷ் நாயுடு படப்பிடிப்பு அமெரிக்காவில் முழு வீச்சில் நடக்கிறது: கமல்ஹாசன் பேட்டி

Bookmark and Share

சபாஷ் நாயுடு படப்பிடிப்பு அமெரிக்காவில் முழு வீச்சில் நடக்கிறது: கமல்ஹாசன் பேட்டி

நடிகர் கமல்ஹாசன், ‘சபாஷ் நாயுடு’ படப்பிடிப்புக்காக அமெரிக்கா போய் இருக்கிறார். அங்கிருந்து அவர் நேற்று ஒரு அறிக்கை வெளியிட்டார். அதில் அவர் கூறியிருப்பதாவது:-

‘சபாஷ் நாயுடு’ என்ற எங்கள் புதிய திரைப்பட படப்பிடிப்புக்கு நானும், எங்கள் திரைக்குழுவை சேர்ந்தவர்களும் லாஸ் ஏஞ்சல்ஸ் வந்து சேர்ந்திருக்கிறோம். எங்களுக்கு மிகுந்த உற்சாகமளிக்கும் இந்த தயாரிப்பின் தொடக்க கட்டங்களே முழுவீச்சில் அமைந்துள்ளன.

திரைத்துறையின் ஏறத்தாழ அனைத்து திரைப்பட தயாரிப்புகளைப் போலவே இதன் தயாரிப்பிலும், அதிலும் குறிப்பாக இத்தனை பிரமாண்டமான நுட்பங்கள் நிறைந்த தயாரிப்பில், தவிர்க்கவே முடியாத முதல் கட்ட சவால்களை எதிர்கொண்டிருக்கிறோம். ஆனால், மிகவும் திறமை வாய்ந்த புரிந்துணர்வுடன் துணை நிற்கும் நடிகர்-நடிகையர் மற்றும் தொழில்நுட்ப கலைஞர்கள் இத்திரைப்படத்துக்கு அமைந்துள்ளது, என் நற்பேறு என்றுமகிழ்ச்சி அடைகிறேன்.

சென்னையில் உள்ள அமெரிக்க தூதரகம் தொடர்ந்து அளித்து வரும் நல்லாதரவை இங்கு நன்றியுடன் நினைவுகூர்கிறேன். எங்கள் தயாரிப்பு நிறுவனம் அமெரிக்காவுக்கு படப்பிடிப்புக்கு செல்லும் ஒவ்வொரு முறையும் மிகுந்த புரிந்துணர்வுடன் அவர்கள் எப்போதும் எங்கள் பயணம் இனிமையான ஒன்றாக அமையும் வகையில், ஆகச்சிறந்த உதவி நல்கியுள்ளனர்.

பொதுவாகவே, நம்பகத்தன்மை கொண்ட நேர்மையான தென்னிந்திய திரைப்பட படப்பிடிப்பு முயற்சிகளை அமெரிக்காவில் மேற்கொள்ளும் எவருக்குமே அவர்கள் ஆதரவாக இருந்துள்ளனர் என்பதை நான் தென்னிந்திய திரைத்துறை சார்பாகவே சொல்வதாக கொள்ளலாம். அவர்களது நேசம் மிகுந்த உதவிகளுக்கு நன்றி கூறி, திரைத்துறையினரின் இதுபோன்ற மேலும் பல முயற்சிகளை ஆவலுடன் எதிர்நோக்குகிறேன்.’’

இவ்வாறு அந்த அறிக்கையில் கமல்ஹாசன் கூறியிருக்கிறார்.


Post your comment





Related News
அக்‌ஷராஹாசனின் அந்தரங்க படங்கள் வெளியீடு - வழக்கு விசாரணை தீவிரம்
2.0 டிரைலர் ரிலீஸ் - ரஜினிக்கு கமல் வாழ்த்து
அடுத்து தேவர் மகன் 2 - உறுதி செய்த கமல்
விதியை எதிர்த்து நின்றவர் கமல் - சுருதிஹாசன் பேச்சு
கமல் வழியை பின்பற்றும் ஸ்ருதிஹாசன்
கமல் ரசிகன் என்ற முறையில் அவர் மீது வருத்தம் - படவிழாவில் சுரேஷ் காமாட்சி பேச்சு
இந்தியன் 2 படத்தில் இரட்டை வேடத்தில் கமல் ஹாசன்
பூஜையுடன் துவங்கிய விக்ரமின் அடுத்த படம்
கமல் ரசிகர் பற்றிய படத்தில் சிம்பு பாடல்
ஜெயலலிதா வாழ்க்கைப் படத்தில் கமல்ஹாசன், மோகன்லால்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions