சொந்தக் குரலில் தெலுங்கு டப்பிங் பேசிய கமல்ஹாசன்

Bookmark and Share

சொந்தக் குரலில் தெலுங்கு டப்பிங் பேசிய கமல்ஹாசன்

கமல்ஹாசன் நடித்துள்ள 'உத்தம வில்லன்' படம் தமிழ் மற்றும் தெலுங்கில் மே 1ம் தேதி வெளியாக உள்ளது. கமல்ஹாசன் நடித்துள்ள பல படங்கள் தெலுங்கில் தொடர்ந்து டப்பிங் செய்யப்பட்டு வருகின்றன.

அவருடைய படங்கள் தெலுங்கில் டப்பிங் செய்யப்படும் போது பிரபல பின்னணிப் பாடகர்களான எஸ்.பி.பாலசுப்ரமணியம், மனோ ஆகியோர்தான் பின்னணிக் குரல் கொடுப்பார்கள்.

தெலுங்கு நன்றாக பேசத் தெரிந்திருந்தாலும் சொந்தக் குரலில் தெலுங்கு டப்பிங் பேசுவதை கமல் தவிர்த்து வந்தார். ஆனால், 'உத்தம வில்லன்' படத்திற்காக தன்னுடைய சொந்தக் குரலிலேயே டப்பிங் பேசியிருக்கிறார்.

முதல் முறை டப்பிங் செய்து பார்த்த பின் முழு திருப்தி இல்லாததால் இரண்டாவது முறையாக டப்பிங் செய்திருக்கிறார் கமல்ஹாசன். இந்தப் படத்திற்காக சமீபத்தில் ஐதராபாத்தில் நடந்த பிரமோஷன் நிகழ்ச்சிகளில் எல்லாம் கலந்து கொண்டு படத்தைப் பற்றி நன்றாகவே விளம்பரப்படுத்தியுள்ளார் கமல்ஹாசன்.

பெரும்பாலான தொலைக்காட்சிகளுக்குப் பேட்டியும் கொடுத்திருக்கிறார். ஆனால், தமிழில் மட்டும் அவர் சில குறிப்பிட்ட தொலைக்காட்சிகளுக்கு மட்டுமே பேட்டி கொடுத்திருக்கிறார். தமிழ், தெலுங்கு இரு மொழிகளிலும் 'உத்தம வில்லன்' உலகம் முழுவதும் சுமார் 1500 திரையரங்குகளில் வெளியாக உள்ளது.

 


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions