விஜய் டிவியை தொடரும் மா.கா.பா.ஆனந்த்!

Bookmark and Share

விஜய் டிவியை தொடரும் மா.கா.பா.ஆனந்த்!

விஜய் டிவியில் சூப்பர் சிங்கர், அது இது எது, சினிமா காரம் காபி போன்ற நிகழ்ச்சிகளை தொகுத்து வாங்கி வந்தவர் மா.கா.பா.ஆனந்த். சிவகார்த்திகேயன் விஜய் டிவியில் இருந்து சினிமாவுக்கு வந்தபிறகு இவர்தான் முக்கியமான ஆண் தொகுப்பாளர் பட்டியலில் இருந்தார்.

ஆனால், ஒருகட்டத்தில் இவருக்கும் சிவகார்த்திகேயனைப் போன்று சினிமா ஆசை ஏற்பட, வானவராயன் வல்லவராயன் என்ற படத்தில் கிருஷ்ணாவுடன் இணைந்து நடித்தார்.

அந்த படம் பெரிதாக போகவில்லை. இருப்பினும், பஞ்சுமிட்டாய், அட்டி, தீபாவளி துப்பாக்கி, நவரச திலகம் என நான்கு படங்கள் அவருக்கு கிடைத்தன.

இருப்பினும், படங்கள் உடனுக்குடன் முடிந்து திரைக்கு வராமல் தாமதமாகிக்கொண்டு வருகின்றன. அதனால் சினிமாவில் முழுவீச்சில் இறங்கிய மா.கா.பா.ஆனந்த், இப்போது மீண்டும் சூப்பர் சிங்கர் நிகழ்ச்சியில் பங்கேற்று வருகிறார்.

இதுபற்றி அவர் கூறுகையில், என்னை வளர்த்தது விஜய் டிவிதான். அதனால் என்னதான் நான் சினிமாவில் பெரிய நடிகனானபோதும் விஜய் டிவியை மறக்க மாட்டேன். அதை என்றைக்குமே எனது தாய்வீடு போல நினைப்பேன்.

அதனால்தான் ஹீரோவாகி விட்டபோதும் மீண்டும் நிகழ்ச்சியை தொகுத்து வழங்கி வருகிறேன். இப்போது மட்டுமின்றி, எதிர்காலத்தில் சினிமாவில் நான் பெரிய இடத்துக்கு வந்தாலும், நேரம் கிடைக்கும்போதெல்லாம் விஜய் டிவி நிகழ்ச்சிகளை தொகுத்து வழங்குவேன் என்று கூறும் மா.கா.பா.ஆனந்த், என்னைப்பொறுத்தவரை விஜய் டிவியின் தொகுப்பாளர் என்று சொல்லிக்கொள்வதை பெருமையாகவே கருதுகிறேன் என்கிறார்.


Post your comment





Related News
மாரி செல்வராஜ் இயக்கத்தில் நடிக்கும் தனுஷ்
ரஜினியின் பேட்ட பொங்கலுக்கு ரிலீஸ் - அதிகாரப்பூர்வ அறிவிப்பு
தளபதி 63 படத்தின் அதிகாரப்பூர்வ அறிவிப்பு
பொது மேடையில் காஜல் அகர்வாலை முத்தமிட்ட ஒளிப்பதிவாளர்
சவுந்தர்யா ரஜினிகாந்த் மறுமணம் - தொழிலதிபரை மணக்கிறார்
பேரறிவாளன் உள்ளிட்ட 7 பேரை தெரியாமல் இருக்க நான் முட்டாள் இல்லை - ரஜினிகாந்த்
சசிகுமார் படத்தை கிளாப் அடித்து துவக்கி வைத்த சமுத்திரகனி
விஜய்யின் வளர்ச்சியை கண்டு பயப்படுகிறார்கள் - நடிகர் ராதாரவி பேட்டி
திருமண வதந்திகளுக்கு அனுஷ்கா முற்றுப்புள்ளி
ஆக்‌‌ஷன் ஹீரோவாகும் சிவகார்த்திகேயன்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions