நிவின் பாலி படத்துக்கு வசனம் எழுதும் மதன் கார்கி..!

Bookmark and Share

நிவின் பாலி படத்துக்கு வசனம் எழுதும் மதன் கார்கி..!

மதன் கார்க்கி அனைத்து சாரங்களிலும் பாடல் வரிகள் எழுதுவதில்  முன்னோடியாக விளங்குகிறார். நிச்சயமாக, அவர் கவித்துவமான கவிதை வரிகள் எழுதுவதோடு நின்று விடவில்லை,  'லிரிக் எஞ்சினியரிங்' என்று சொல்லப்படும் 'பாடல் வரிகள் பொறியியலை' உருவாக்கியிருக்கிறார்.

இந்தத் துறையில் முதன்முதலாக இதனை செய்த கார்க்கி, வசனம் எழுதுவதிலும் தனது திறமையை நிரூபித்துள்ளார். நேரடி மற்றும் புத்தம் புதிய ஸ்கிரிப்ட்க்கு வசனம் எழுதுவதே ஒரு கடினமான பணியாக இருக்கும்போது, அதுவும் டப்பிங் பதிப்புகளுக்கு எழுதுவது எப்படி இருக்கும்.

இந்த வகையில், மதன் கார்க்கி பாகுபலி படங்களுக்கும், சமீபத்திய கிளாசிக்கல் ஹிட்டான 'நடிகையர் திலகம்' படத்துக்கும் வசனம் எழுதியது ஒரு மகத்தான, தனித்துவமான சாதனை. இதன் மூலம், மதன் கார்க்கி மற்ற பிராந்திய மொழிகளில் உருவாகும் சரித்திர படங்களுக்கு, அதன் சாரம் மாறாமல் தமிழுக்கு வசனம் எழுதும் ஒரு 'நுழைவாயில்' ஆனார்.

நிவின் பாலியின் பிரமாண்டமான மலையாள திரைப்படமான 'காயம்குளம் கொச்சூன்னி' படத்திற்கு வசனம் எழுதி வருகிறார் மதன் கார்க்கி. 1800 ஆம் ஆண்டுகளின் பின்னணியில் அமைந்திருக்கும் இந்த படம், ராபின்ஹூட் போன்ற கதாபாத்திரத்தை சுற்றி அமைந்துள்ளது.

படத்தை பற்றிய சில சுவாரஸ்யமான தகவல்களை பற்றி  பகிர்ந்து கொள்ளும் போது, "இந்த படம் பண்டைக்கால பின்னணியில்  அமைந்திருந்தாலும் மையக்கதாபாத்திரம் ஒரு சாதாரண மனிதன். எனவே தனித்துவமாக இதை கையாள முடிவு செய்தோம். இது மிகவும் பழையதாகவோ அல்லது முற்றிலும் சமகாலத்திலோ இல்லை.

தமிழ் ரசிகர்கள் ஒரு மொழி மாற்று திரைப்படத்தை பார்க்கிறோம் என்று நினைக்காமல் இருக்க வைக்கும் ஒரு பெரிய பொறுப்பு எங்களுக்கு இருக்கிறது" என்றார். ரோஷன் ஆண்ட்ரூஸ் இயக்கியுள்ள இந்த படத்திற்கான வசனம் மற்றும்  பாடல்களை எழுதியுள்ள மதன் கார்க்கி, இந்த படத்திற்கு தற்காலிக தலைப்பாக 'மலைக்கள்ளன்' என்ற தலைப்பை வைக்க நினைத்ததாக கூறினார்.

இருப்பினும், இந்த தலைப்புக்கான உரிமையை படக்குழு முறைப்படி பெற்றால் தான் வைக்க முடியும் அல்லது வேறு ஒரு புதிய தலைப்பு வைக்கப்படும். நிவின் பாலி, பிரியா ஆனந்த், பிரியங்கா திம்மேஷ், சன்னி வேன், பாபு ஆண்டனி மற்றும் இன்னும் பல முக்கிய நடிகர்கள் நடித்துள்ளனர். இந்த படத்தில் மோகன்லால் ஒரு சிறப்பு தோற்றத்தில் நடித்திருப்பது ஒரு கூடுதல் ஈர்ப்பு ஆகும்.


Post your comment





Related News
வஞ்சகர் உலகம்: யுவனை பாட வைக்க என்ன காரணம்? - சாம் சிஎஸ் ஓபன் டாக்
நடனத்தை மையப்படுத்தி உருவாகும் லஷ்மி
பண மோசடி புகார்: வேந்தர் மூவிஸ் மதன் ஜாமீன் மனு தள்ளுபடி
சி.பி.ஐ. விசாரணை கோரி மதன் பிரதமருக்கு கடிதம்
பட அதிபர் மதன் மீண்டும் கைது
மதன் கார்க்கிக்கு அப்படியே நேர் எதிர் அப்பா வைரமுத்து
பொன்மொழிகளுக்கு அஜித் நவீன உதாரணம்: பிரபல பாடலாசிரியர் புகழாரம்
ஜாமீனில் விடுதலையான மதன் கமிஷனர் அலுவலகத்தில் ஆஜர்
எஸ்.பி.பி.க்கு, இளையராஜா நோட்டீஸ் அனுப்பியது சரியே: மதன் கார்க்கி
ரூ.10 கோடி உத்தரவாதத்துடன் வேந்தர் மூவிஸ் மதனுக்கு நிபந்தனை ஜாமீன்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions