எந்த கான்களோடும் எனக்கு போட்டி இல்லை: தனு வெட்ஸ் மனு ரிட்டன்ஸ் பட வெற்றி குறித்து நடிகர் மாதவன் பேட்டி

Bookmark and Share

எந்த கான்களோடும் எனக்கு போட்டி இல்லை: தனு வெட்ஸ் மனு ரிட்டன்ஸ் பட வெற்றி குறித்து நடிகர் மாதவன் பேட்டி

நடிகர் மாதவனின் புதிய இந்திப்படமான 'தனு வெட்ஸ் மனு ரிட்டன்ஸ்' பாலிவுட் சந்தையில் 100 கோடி கிளப் வரிசைக்குள் நுழைந்து, வசூலிலும் சாதனை படைத்து வருகின்றது. படம் ரிலீசான இரு வாரங்களில் சுமார் 150 கோடி வசூலாகியுள்ளதாக செய்திகள் வெளியாகிவரும் நிலையில், இந்த வெற்றி தொடர்பாக செய்தி நிறுவனம் ஒன்றுக்கு பேட்டியளித்துள்ள மாதவன்(45) பாலிவுட்டில் எனக்கு எந்த கான்களோடும் போட்டியிடும் எண்ணம் இல்லை என்று கூறியுள்ளார். 

'ரெஹ்னா ஹை தேரே தில் மெய்ன்', படத்தின் மூலம் இந்திப்பட உலகில் கடந்த 2001-ம் ஆண்டு அறிமுகமான மாதவன், தொடர்ந்து 'ரங் தே பஸந்தி', 'குரு', 'தனு வெட்ஸ் மனு' உள்ளிட்ட படங்களில் தனது நடிப்புத் திறனை வெளிப்படுத்தி, இந்தி ரசிகர்களையும் கவர்ந்துள்ளார்.

இந்நிலையில், 'தனு வெட்ஸ் மனு ரிட்டன்ஸ்' பட வெற்றி குறித்து பேட்டியளித்துள்ள மாதவன், 'என்னால் என்ன முடியும்? என்ற எனது திறமைகளை இந்திப்பட தயாரிப்பாளர்களிடம் முழுமையாக நான் இன்னும் வெளிப்படுத்தவில்லை.

நடிப்பில் இருந்து மூன்றாண்டுகள் ஓய்வு எடுத்து கொண்டு, அந்த இடைவெளிக்குப் பின்னர் தனு வெட்ஸ் மனு ரிட்டன்ஸ் படத்தில் நடித்துள்ளேன். இந்தப் படம் வெளியானதும் ரசிகர்களின் அளவுகடந்த அன்பு என் மீது பொழியத் தொடங்கியுள்ளது. 

ரோல்ஸ் ராய்ஸ், பென்ட்லி போன்ற விலையுயர்ந்த கார்களில் போக யாருக்குதான் பிடிக்காது. அதைப்போல் மூன்று மாதங்களுக்கு ஒரு படம் தர எனக்கும் ஆசைதான். ஆனால், இறுதியில் நாம் என்ன வேலை செய்தோம்? என்று எண்ணிப் பார்க்கும்போது, நாம் செய்த வேலையில் நமக்கு ஒரு மனநிறைவு ஏற்பட வேண்டும். என்னைப் பொருத்தவரை பணத்துக்காக மட்டும் ஒரு படத்தில் நடிப்பதில் உடன்பாடில்லை. 

கான்களுடனோ (ஷாருக்கான், அமீர்கான், சல்மான்கான்) வேறு எந்த நடிகர்களுடனோ நான் போட்டியிடவில்லை. எனது வேலையை சிறப்பாக செய்வதையே விரும்புகிறேன். எனவே, இந்த தொழிலில் ஒருவரோடு, ஒருவர் போட்டியிடுவதாக கூறப்படுவது எல்லாம் ஊடகங்களின் விளையாட்டு, அவ்வளவுதான். 

ஒரு நல்ல படத்தை உருவாக்குவது கடினமான காரியம். படத்தின் 'பர்ஸ்ட் லுக்', படத்தை நல்லபடியாக வியாபாரம் செய்து, குறிப்பிட்ட தேதியில் ரிலீஸ் செய்வது என பல பிரச்சனைகள் உள்ளன. ஒரு விருது பெறுவதில் எனக்கு அங்கீகாரம் கிடைத்து விட்டது என்று அர்த்தமல்ல. இந்தியாவில் விருது பெறுவது என்பது ஒன்றும் புதிதல்ல, விருது பெறுவதில் உள்ள முக்கியத்துவம் என்னவென்றால், அது செய்தியாகிறது என்பது மட்டுமே. 

யார் முதல் இடத்தில் இருக்கும் நடிகர்? என்ற நம்பர் விளையாட்டிலும் எனக்கு நம்பிக்கை கிடையாது. எவ்வளவு காலம் இந்த துறையில் நீடித்து, நிலைத்திருக்கிறோம்? என்பதும், உங்களுக்கு எத்தனை பேர் நடிக்கும் வாய்ப்பு அளிக்கிறார்கள் என்பதும்தான் முக்கியம். 

அவ்வகையில், இன்றும் கூட படங்களில் நடித்து கொண்டிருக்கும்.., அந்தப் படங்கள் எல்லாம் வெற்றிகரமாக ஓடிக் கொண்டிருப்பதை வைத்து பார்க்கையில், திரு.அமிதாப் பச்சன் மிகவும் வெற்றிகரமான நபர் என்றே நான் கருதுகிறேன்' என  கூறியுள்ளார்.


Post your comment





Related News
தமிழகத்திற்கும் இந்தியாவிற்கும் பெருமை சேர்க்க வேண்டும் - விஜய்யை வாழ்த்திய விஜயகாந்த்
பேட்ட படத்தில் மிசா கைதியாக ரஜினி - வைரலாகும் புகைப்படம்
இயக்குனர் மீது ஸ்ரீரெட்டி பாலியல் புகார்
சர்கார் படத்தை தொடர்ந்து ரஜினிகாந்துடன் இணையும் ஏ.ஆர்.முருகதாஸ்
அழகுக்காக அப்படி செய்யத் தேவையில்லை - பிரியா பவானி சங்கர்
சதுரங்க வேட்டை 2 சம்பள பாக்கி - அரவிந்த்சாமி, மனோபாலாவுக்கு ஐகோர்ட்டு உத்தரவு
வீட்டை அபகரித்ததாக விஜயகுமார் புகார்: நடிகை வனிதா மீது 4 பிரிவுகளில் வழக்குப்பதிவு
செக்கச்சிவந்த வானம் படக்குழுவின் முக்கிய அறிவிப்பு
ரசிகையாக உணர்ந்த தருணம் - அஜித்தை பார்த்த மகிழ்ச்சியில் சாக்‌ஷி அகர்வால்
மீண்டும் திலீப்புக்கு எதிராக நடிகைகள் போர்க்கொடி








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions