நடிகர் மகேஷ் பாபுவை கிண்டல் செய்த காமெடி நடிகரால் ரசிகர்கள் மோதல்

Bookmark and Share

நடிகர் மகேஷ் பாபுவை கிண்டல் செய்த காமெடி நடிகரால் ரசிகர்கள் மோதல்

தெலுங்கு திரையுலகில் முன்னணி நடிகராக திகழ்பவர் மகேஷ் பாபு. பிரின்ஸ் என்றும் சூப்பர் ஸ்டார் என்றும் அழைக்கப்படும் மகேஷ் பாபுவின் படங்கள் தமிழிலும் நல்ல வரவேற்பு பெற்றுள்ளன. மகேஷ் பாபு ஏ.ஆர்.முருகதாஸ் இயக்கத்தில் ‘ஸ்பைடர்’ என்ற நேரடி தமிழ் படத்திலும் நடித்துள்ளார்.

தமிழ் டிவி நிகழ்ச்சிகளில் ஸ்டாண்ட் அப் காமெடியனாக வரும் மனோஜ் பிரபாகர் நடிகர் மகேஷ் பாபுவை ஒரு நிகழ்ச்சியில் கிண்டல் செய்தார். ‘மகேஷ் பாபுவும், இந்தி நடிகை காத்ரீனா கைபும் ஒரே மாதிரியானவர்கள். இருவரும் அழகாக இருப்பார்கள்.

ஆனால் முகத்தில் எந்த உணர்ச்சியுமே காட்டுவதற்கு வராது. மகேஷ் பாபு எல்லா சூழ்நிலையிலும் ஒரே மாதிரியாக முகத்தை வைத்து வசனம் பேசுவார். ஸ்பைடர் படத்தில் ஹீரோவான மகேஷ் பாபுவை விட வில்லனாக நடித்த எஸ்.ஜே. சூர்யா நன்றாக நடித்திருந்தார்’ என்று கிண்டல் செய்திருந்தார்.

இந்த வீடியோ கடந்த வாரம் பரவியது. மகேஷ் பாபுவின் ரசிகர்கள் இந்த வீடியோவால் கோபம் அடைந்தனர். மனோஜ் மீது மோசமான வார்த்தைகளால் தாக்குதல் நடத்திய அவர்கள் ஒரு கட்டத்தில் தமிழ் நடிகர்களையும் கிண்டல் செய்ய தொடங்கினார்கள்.

இந்த விவகாரம் தெலுங்கு நடிகர் சங்கமான ‘மா’ கவனத்திற்கும் சென்றது. தென்னிந்திய சினிமா நடிகர் சங்கத்துக்கு மனோஜ் மன்னிப்பு கேட்க வேண்டும் என்ற கோரிக்கையுடன் ஒரு கடிதம் அனுப்பியது. அந்த கடிதத்தில் மனோஜின் பேச்சு அதிர்ச்சிக்குள்ளாக்கியது என்றும், தென்னிந்திய சினிமாவில் மிகப்பெரிய பிரச்சினையாக இது வெடிக்குமோ என்று அச்சம் தோன்றுவதாகவும் குறிப்பிடப்பட்டிருந்தது.

தென்னிந்திய நடிகர் சங்கத்தின் பொதுச் செயலாளர் விஷால் இதுபற்றி கூறும்போது, ‘மகேஷ் பாபு பற்றி எல்லோருக்குமே நன்றாக தெரியும். அவர் யாரிடமும் தன்னை நிரூபிக்க வேண்டிய அவசியம் இல்லை. எனக்கு மனோஜ் பிரபாகர் என்ற கிரிக்கெட் வீரரை தான் தெரியும்.

சமூக வலைதளங்கள் பெருகியதால் சில நபர்கள் தங்களை பிரபலப்படுத்திக்கொள்ள இப்படி செய்கிறார்கள். அவர்களை நாம் கண்டு கொள்ள வேண்டியதில்லை.

இந்த வி‌ஷயத்தில் மகேஷ் பாபு மீது தங்களது பிரியத்தை அதிகரிக்குமாறும், விமர்சித்த நபரை பெரிய ஆளாக்கிவிட வேண்டாம் என்றும் மகேஷ் பாபு ரசிகர்களை வேண்டிக் கொள்கிறேன்’ என்று கூறி உள்ளார்.

இதற்கிடையே மனோஜ் பிரபாகர், மகஷே் பாபு ரசிகர்களிடம் மன்னிப்பு கேட்டதாக தகவல் வெளியாகி இருக்கிறது. 


Post your comment





Related News
எமனாக மாறும் யோகிபாபு
யோகி பாபு படத்தில் கனடா மாடல்
விஜய் இடத்தில் பிரசன்னா இருந்திருந்தால் பிரச்சனை பண்ணியிருப்பார் - யோகி பாபு
கதாநாயகனாக களமிறங்கும் யோகி பாபு
அர்ஜுன், ஜெகபதி பாபு, ஜாக்கி ஷெராப் நடிக்கும் படத்தின் ஹீரோ யார்?
நம்ம சூப்பர் ஸ்டார் தாங்க இப்படி, தெலுங்கு சூப்பர் ஸ்டார்ஸ் கேரளாவிற்கு எவ்வளவு கொடுத்துள்ளார்கள் தெரியுமா..?
கோலமாவு கோகிலாவில் யோகி பாபுவின் காதலை ஏற்றுக் கொள்கிறாரா நயன்தாரா..?
அவளுக்கென்ன அழகிய முகம் படத்தின் ரிலீஸ் தேதி அறிவிப்பு.!
ஆர்கானிக் உணவுப்பொருள்கள் சரியானது தானா..? ; பகீர் கிளப்பும் 'திசை' இயக்குனர்..!
பரபரப்பான சூழலிலும் ட்ரெண்ட் ஆகும் சர்கார் - விசியம் என்ன தெரியுமா?








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions