தேசிய விருது பெற்ற பாபி சிம்ஹாவை கவுரவித்த மனோபாலா

Bookmark and Share

தேசிய விருது பெற்ற பாபி சிம்ஹாவை கவுரவித்த மனோபாலா

62-வது திரைப்பட தேசிய விருதுகள் நேற்று அறிவிக்கபட்டன. இதில் சிறந்த துணை நடிகருக்கான தேசிய விருதுக்கு ‘ஜிகர்தண்டா’ படத்திற்காக பாபி சிம்ஹா தேர்வு பெற்றுள்ளார். பாபி சிம்ஹா தற்போது ‘பாம்பு சட்டை’ படத்தில் நடித்து வருகிறார். இப்படத்தை ஆர்.சரத்குமார், ஆர்.ராதிகா சரத்குமார், லிஸ்டின் ஸ்டிபன் ஆகியோரின் மேஜிக் ப்ரேம்ஸ் நிறுவனம் மற்றும் இயக்குனர் தயாரிப்பாளர் மனோபாலாவின் மனோபாலா பிக்சர் ஹவுஸ் இணைந்து தயாரித்து வருகிறது.

இப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது. பாபி சிம்ஹா சிறந்த துணை நடிகருக்கான தேசிய விருது பெற்றதற்கு தயாரிப்பாளரும் நடிகருமான மனோபாலா, பாபி சிம்ஹாவிற்கு மாலை அணிவித்து கவுரவித்துள்ளார்.

மேலும் பாபி சிம்ஹாவைப் பற்றி மனோபாலா கூறியதாவது:-

பாபி சிம்ஹாவை திரையில் பார்த்து அவருடைய நடிப்பால் ஈர்க்கப்பட்டவன் நான். சிம்ஹா தன்னுடைய நடிப்பால் பல்வேறு பார்வையாளர்கள் மத்தியில் ஊடுருவி உள்ளார். அவருக்கு என்னுடைய வாழ்த்துக்கள். இது ஒரு ஆரம்பம் தான். அவர் மேலும் பல வெற்றிகளை நிச்சயம் பெறுவார். என்னுடைய படமான ‘பாம்பு சட்டை’யில் அதிக திறமைகளை வெளிப்படுத்தி வருகிறார்.

இவ்வாறு மனோபாலா கூறினார். 

 


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions