இந்திய ராணுவ வீரர்கள் தான் உண்மையான ஹீரோக்கள்: நானா படேகர்

Bookmark and Share

இந்திய ராணுவ வீரர்கள் தான் உண்மையான ஹீரோக்கள்: நானா படேகர்

காஷ்மீர் மாநிலம் உரியில் ராணுவ முகாம் மீது பாகிஸ்தான் பயங்கரவாதிகள் தாக்குதல் நடத்தினர். இந்த தாக்குதலில் 19 இந்திய ராணுவ வீரர்கள் பலியானார்கள். இந்த சம்பவத்தை தொடர்ந்து பாகிஸ்தான் நடிகர்கள் இந்திய மொழி படங்களில் நடிக்க தடை விதிக்கப்பட்டது.

இந்த தடைக்கு இந்தி நடிகர் சல்மான்கான் ஆட்சேபனை தெரிவித்தார். “பாகிஸ்தான் நடிகர்கள் ஒன்றும் பயங்கரவாதிகள் அல்ல, கலையையும், பயங்கரவாதத்தையும் ஒன்று சேர்க்கக்கூடாது” என்று அவர் கருத்து தெரிவித்தார்.

சல்மான்கானின் சர்ச்சை கருத்துக்கு பல்வேறு தரப்பில் இருந்து கடும் கண்டனம் தெரிவிக்கப்பட்டது. இந்தி நடிகர் நானா படேகர் சல்மான்கானுக்கு எதிர்ப்பு தெரிவித்து உள்ளார்.

இதுகுறித்து அவர் புனேயில் நடந்த நிகழ்ச்சிக்கு பிறகு நிருபர்களிடம் கூறியதாவது:-

பாகிஸ்தான் எல்லையில் தீவிரவாதிகளை எதிர்த்து போரிடும் நமது ராணுவ வீரர்கள் தான் உண்மையான ஹீரோக்கள். அவர்களை விட வேறு யாரும் சிறந்த ஹீரோக்களாக இருக்க முடியாது. இரு நாடுகளுக்கு இடையே போர் மூளும் சூழ்நிலையில், நாட்டை பற்றி சிந்திப்பதே ஒவ்வொரு குடிமகனின் கடமை. கலைஞர்களோ, நடிகர்களோ நாட்டை விட மேலானவர்கள் அல்ல. தேசத்துக்கு முன்பு நடிகர்கள் மூட்டை பூச்சிகளை போன்றவர்கள். நடிகர்கள் சாதாரண மனிதர்கள். பாகிஸ்தான் எல்லையில் பணியாற்றும் வீரர்களால் தான் நாம் நிம்மதியாக தூங்க முடிகிறது.

பாகிஸ்தான் கலைஞர்கள் இந்தியாவில் பணியாற்றுவது குறித்து அரசு தான் முடிவு செய்ய வேண்டும். எந்த அரசியல் அமைப்புகளும் சட்டத்தை கையில் எடுக்க முடியாது.

இவ்வாறு நானே படேகர் கூறினார்.

நடிகர் சல்மான்கான் கருத்துக்கு மராட்டிய நவநிர்மாண் சேனா தலைவர் ராஜ்தாக்கரே ஏற்கனவே கடும் எதிர்ப்பு தெரிவித்து இருந்தார்.

இருவரும் நண்பர்கள் என்ற நிலையில், இதுபற்றி தானேயில் நடந்த நிகழ்ச்சி ஒன்றில் ராஜ்தாக்கரே பேசுகையில், தேசம் மற்றும் மாநில நலனை விட நட்பு மேலானது அல்ல என்று தெரிவித்தார். 


Post your comment





Related News
சிவகார்த்திகேயனுடன் கை கோர்க்கும் ஹிப்ஹாப் ஆதி..!
கஜினிகாந்தை குடும்பத்துடன் பார்க்கலாம் - இயக்குநர் சந்தோஷ் ஜெயக்குமார் நம்பிக்கை
புதுமையான ஒரு மேடை நிகழ்ச்சி ஒன்றிற்கான முயற்சியில் இசையமைப்பாளர் ரமேஷ் வினாயகம்
காலாவில் வில்லன், நிஜத்தில் ஹீரோ - இது தான் நானா படேகர்
பெண்கள் மனதை கொள்ளை அடித்த தொகுப்பாளர் ஆனந்த கண்ணன் நிலை என்ன தெரியுமா?
தயாரிப்பாளர் சங்க பதவியை ராஜினாமா செய்தது ஏன்? ஞானவேல்ராஜா விளக்கம்
இசைவெளியீட்டு விழாவில் நடிகரை வருத்தெடுத்த கே.இ.ஞானவேல் ராஜா
டி.வி.களுக்கு ஏன் படங்களை இலவசமாக வழங்க வேண்டும்: காப்புரிமை பிரச்சனை எழுப்பும் ஞானவேல்ராஜா
"உன்னை தேடி வருவேன் ****!" பொது மேடையில் கெட்டவார்த்தையில் திட்டிய ஞானவேல் ராஜா
ஞானவேல் ராஜாவுக்கு பிறந்தநாள் வாழ்த்துக்கள்!








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions