காதல்காலம் படத்தின் டிரெய்லரை வெளியிட்ட கமல்ஹாசன்

Bookmark and Share

காதல்காலம் படத்தின் டிரெய்லரை வெளியிட்ட கமல்ஹாசன்

வெப்படை ஜி.செல்வராஜ்-ன் தமிழ்கொடி பிலிம்ஸ் தயாரிப்பில் அறிமுக இயக்குநர் ஜி.ஏ.சோமசுந்தரா இயக்கியுள்ள “காதல் காலம்” படத்தின் டிரெய்லர் இன்று காலை உலகநாயகன் கமல்ஹாசன் அவர்கள் வெளியிட்டார்.

டிரெய்லரை வெளியிட்ட கமல்ஹாசன் படக்குழுவினரை பாராட்டினார். அவர் கூறியதாவது, காதல்காலம் தலைப்புக்கு ஏற்ற வகையில் இருக்கிறது. காதல் என்பது அனைத்து காலங்களிலும் அனைவராலும் உணரக்கூடியது. அதுவும் இந்த காதல் காலம் மிகவும் இளமையாகவும் அழகாகவும் தெரிகிறது.

அதுமட்டுமின்றி இவர்கள் அனைவரும் ஒரு கூட்டாக இணைந்து அற்புதமாக உருவாக்கியுள்ளார்கள். ஒரு பானை சோற்றுக்கு ஒரு சோறு பதம் என்பதுபோல இந்த டிரெய்லர் மிகவும் நம்பிக்கையை தருகிறது. காதல் காலம் நிச்சயம் பெரிய வெற்றி படமாக அமைய வேண்டுமென்று வாழ்த்துகிறேன் என்று கூறினார்.

அறிமுக நடிகர்கள் நடிப்பில் உருவாகியுள்ள “காதல் காலம்” திரைப்படம் முற்றிலும் காதல், நகைச்சுவை கலந்த கிராமத்து கதையாக மிகவும் யதார்த்தமாக உருவாகியுள்ளது. இப்படத்தின் இயக்குநரான ஜி.ஏ.சோமசுந்தரா திரைக்கதையின் சிற்பி கே.பாக்யராஜிடன் உதவி இயக்குநராக பணியாற்றியவர் என்பது குறிப்பிடத்தக்கது.

இதில் சந்துரு கதாநாயகனாகவும் நித்யாஷெட்டி, சார்விசெக்குரி இருவரும் கதையின் நாயகிகளாகவும் நடிக்க மதுமிதா, ஜார்ஜ், அசோக்பாண்டியன் ஆகியோரும் நடிக்க, இயக்குநர்கள் புவி.என்.அரவிந்த், ரஃபி ஆகியோர் நடிகர்களாக அறிமுகமாகிறார்கள். இப்படத்தில் முக்கிய கதாபாத்திரத்தில் பி.ஆர்.ஓ. சரவணனின் மகன் அஸ்வத் அறிமுகமாகியுள்ளார்.

ஒளிப்பதிவை விஜய் கவனிக்க, படத்தொகுப்பை சண்முகம்வேலுச்சாமி செய்திருக்கிறார். இந்த படத்தின் இசையமைப்பாளர் எஸ்.ஜெயானந்தன். இப்படத்தின் பாடல்களை பழனிபாரதி, நா.முத்துகுமார், பா.விஜய், சினேகன், இலக்கியன் ஆகியோர் எழுதியிருக்கிறார்கள்.

தயாரிப்பு நிர்வாகம் ஆர்.ஜி.மாரியப்பன்ராஜா, மக்கள் தொடர்பு என்.சரவணன்.


Post your comment





Related News
கமலுடன் நடிக்கும் ஆர்.ஜே.பாலாஜி
நித்யா மேனனின் திடீர் முடிவு
விஜய் சேதுபதிக்கு சுருதிஹாசன் ஜோடி
தைவான் பறக்கும் இந்தியன் 2 படக்குழு
8 நாடுகளில் படமாகும் ‘இந்தியன்-2’
இந்தியன் 2 - கமலுக்கு வில்லனாகும் முக்கிய பிரபலம்
இந்தியன் 2 படப்பிடிப்பு துவங்கியது - இந்தியன் தாத்தாவாக களம்கண்ட கமல்ஹாசன்
கமல் கட்சியில் சேர ஆர்வம் இருக்கிறது - ஷகிலா
இந்தியன் 2 படத்தின் 2 நிமிட காட்சிக்கு எத்தனை கோடியில் செட் தெரியுமா?
சினிமாவுக்கு முழுக்கு: ‘தேவர் மகன்-2’ படத்தில் கமலுக்கு பதில் வேறு கதாநாயகன்?








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions