பொமன் இரானி கதாபாத்திரத்தில் நடிக்கும் பிரகாஷ்ராஜ்?

Bookmark and Share

பொமன் இரானி கதாபாத்திரத்தில் நடிக்கும் பிரகாஷ்ராஜ்?

தமிழ் சினிமாவில் எந்த கதாபாத்திரத்தில் நடித்தாலும் அந்த கதாபாத்திரமாகவே மாறிவிடக்கூடிய ஆற்றல் நிறைந்தவர் பிரகாஷ் ராஜ். இவருடைய அலட்டல் இல்லாத நடிப்பு தமிழ் ரசிகர்களை மட்டுமல்லாது, தெலுங்கு, கன்னட ரசிகர்களையும் வெகுவாக ரசிக்க வைக்கும்.

இந்நிலையில், பாலிவுட்டில் வெளிவந்த ‘ஜாலி எல்.எல்.பி’ என்ற படத்தின் தமிழ் ரீமேக்கில் போமன் இரானி நடித்திருந்த கதாபாத்திரத்தில் பிரகாஷ்ராஜ் நடிக்கவிருப்பதாக தற்போது செய்திகள் வெளிவந்துள்ளது.

இந்தியில் கடந்த 2013-ஆம் ஆண்டு வெளிவந்த படம் ‘ஜாலி எல்.எல்.பி’. இந்த படத்தில் அர்ஷத் வர்ஷி மற்றும் பொமன் இரானி ஆகியோர் நடித்திருந்தனர். இந்த படத்தை தமிழில் உதயநிதி ரீமேக் செய்யப்போவதாக சமீபத்தில் செய்திகள் வெளிவந்தன.

தற்போது இப்படத்தில் பொமன் இரானி நடித்த கதாபாத்திரத்தில் பிரகாஷ்ராஜ் நடிக்கவிருப்பதாக கூறப்படுகிறது. இதுகுறித்து பிரகாஷ்ராஜிடம் படக்குழுவினர் பேச்சுவார்த்தை நடத்தியதாகவும், அவர் இதுவரை எந்த பதிலும் கூறவில்லை என்றும் கூறப்படுகிறது.

முதலில் இந்த படத்தை தயாரிக்க மட்டுமே முடிவு செய்த உதயநிதி, இந்த படத்தில் நடிக்கவும் முடிவு செய்துள்ளாராம். இவர்கள் நடிப்பது உறுதியாகிவிட்டால் இருவரும் இந்த படத்தில் வக்கீலாக நடிப்பார்கள். நீதித்துறையில் நடக்கும் நிகழ்வுகளை நகைச்சுவையாக சொல்லிய படம் ஜாலி எல்.எல்.பி என்பது குறிப்பிடத்தக்கது.

பிரகாஷ்ராஜ் ஏற்கெனவே இந்தியில் ‘முன்னாபாய் எம்.பி.பி.எஸ்.,’ என்ற படத்தின் தமிழ் ரீமேக்கான ‘வசூல்ராஜா எம்.பி.பி.எஸ்.,’ படத்தில் பொமன் இரானி நடித்திருந்த டீன் கதாபாத்திரத்தில் கலக்கலாக நடித்திருந்தார். அதேபோல், இந்த படத்திலும் தனது வித்தியாசமான நடிப்பால் ரசிகர்களை கவர்வார் என தமிழ் சினிமா வட்டாரங்கள் கூறுகின்றன.


Post your comment





Related News
பேட்ட படத்தை பாராட்டிய மகேஷ் பாபு
மறுமண அழைப்பிதழை திருப்பதி கோவிலில் வைத்து ரஜினி மனைவி, மகள் தரிசனம்
சிக்கலில் ரஜினியின் பேட்ட
பொங்கல் பண்டிகையை முன்னிட்டு பேட்ட, விஸ்வாசம் படங்களுக்கு 5 காட்சிகள் ஒதுக்கீடு
மக்களவை தேர்தலில் பெங்களூரு மத்திய தொகுதியில் சுயேச்சையாக போட்டி - நடிகர் பிரகாஷ்ராஜ்
மீண்டும் ரஜினியுடன் இணையும் கார்த்திக் சுப்புராஜ்
ஆரவ்வின் அடுத்த படம் மார்க்கெட் ராஜா எம்.பி.பி.எஸ் - சரண் இயக்குகிறார்
ரஜினியை நான் இயக்கும் படம் விசில் பறக்கும் - ராஜமவுலி
பிரபல நடிகருடன் ஜோடி சேரும் நிவேதா பெத்துராஜ்
பேட்ட ஒரு நாள் ஹிட்ஸில் அனைத்து சாதனைகளையும் முறியடித்தது, நம்பர் 1 இடத்தில் ரஜினி








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions