அண்மையில் வெளியான கபாலி படத்தில் ரஜினி மகளாக யோகி எனும் கதாபாத்திரத்தில் நடித்து அனைவரது பாராட்டுக்களையும் பெற்றவர் தன்ஷிகா. கபாலி என்றால் ரஜினிக்கு அடுத்தபடியாக இவர்தான் நினைவுக்கு வருவதாக பலரும் இவரை பாராட்டி வருகிறார்கள்.

இந்நிலையில் கபாலியை தொடர்ந்து இவர் நடித்திருக்கும் விழித்திரு படம் விரைவில் திரைக்கு வரவுள்ளது. இப்படத்தில் வெங்கட் பிரபு, விதார்த், தம்பி இராமையா ஆகியோர் முக்கிய கதாபாத்திரங்களில் நடித்துள்ளனர். ஜெய் நடித்த ‘அவள் பெயர் தமிழரசி’ படத்தை இயக்கிய மீரா கதிரவன் இந்த படத்தை இயக்கியுள்ளார்.