சர்தார் படத்தின் பஸ்ட் லுக் போஸ்டர் வெளியீடு

Bookmark and Share

சர்தார் படத்தின் பஸ்ட் லுக் போஸ்டர் வெளியீடு

தீவிர அரசியலில் ஈடுபட்டு வந்த தெலுங்கு நடிகர்  பவன் கல்யாண் தற்போது நீண்ட இடைவெளிக்கு பின்னர் சர்தார் எனும் திரைப்படத்தில் நடிக்க ஒப்பந்தமாகியுள்ளார்.

டோலிவுட்டின் பவர் ஸ்டார் என ரசிகர்களிடம் புகழ் பெற்றுள்ள நடிகர் பவன் கல்யாண் நடிப்பில் வெளிவந்த கபார் சிங் படத்தின் இரண்டாம் பாகமான சர்தார் படத்தின் படப்பிடிப்புகள் தற்போது துரிதமாக நடைபெறுகின்றன.

புனேவில் நடைபெற்ற இப்படத்தின் முதற் கட்ட படப்பிடிப்பைத் தொடர்ந்து  இரண்டாம் கட்ட படப்பிடிப்புகள் ஹைதராபாத்தில் ஜூலை 29 ஆம் தேதி முதல் துவங்கியது. ஆக்ஷன் திரைக்கதை கொண்ட இப்படத்தின்  படப்பிடிப்பில் பவன் கல்யாண் கலந்து கொள்வார் என படக்குழுவினர் கூறினர்.

இயக்குநர் பாபி இயக்கத்தில் உருவாகும் இப்படத்தில் ஹைதராபாத்தில் நடைபெற்ற படப்பிடிப்புகளில் நேற்று(ஜூலை 31) முதல் கலந்து கொண்டதாக படக்குழுவினர் அறிவித்துள்ளனர்.

மேலும் நேற்று வெளிவந்த  இப்படத்தின் பஸ்ட் லுக் போஸ்டர் ரசிகர்களிடம் வரவேற்பு பெற்றுள்ளது. பவன் கல்யாண் ரசிகர்கள் இந்த பஸ்ட் லுக் போஸ்டரை சமூக வலைதளங்களில்  வேகமாக பகிர்ந்து வருகின்றனர். 


Post your comment












About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions