பெண்களை பற்றி அவதூறு பரப்ப இணையத்தை பயன்படுத்துகிறார்கள்: சசிகுமார் வேதனை

Bookmark and Share

பெண்களை பற்றி அவதூறு பரப்ப இணையத்தை பயன்படுத்துகிறார்கள்: சசிகுமார் வேதனை

நடிகரும், டைரக்டருமான சசிகுமார் வெளியிட்டுள்ள பெண்கள் தின வாழ்த்து செய்தியில் கூறி இருப்பதாவது:–

ஒரே ஒரு நாள் மட்டும் ஒதுக்கி பெண்களை நாம் கொண்டாடிவிட முடியாது. தாயாக, சகோதரியாக, தோழியாக எத்தனையோ பெண்கள் காட்டும் பேரன்பு தான் நம்மை இயக்குகிறது. நாம் சறுக்கும் போதெல்லாம் அவர்களின் அன்புதான் தாங்கிப் பிடிக்கிறது.

ஆணுக்கு நிகராக மட்டும் அல்ல, ஆண்களையே மிஞ்சுகிற அளவுக்கு இன்றைக்கு அத்தனைத் துறைகளிலும் பெண்கள் சாதிக்கிறார்கள்.

விவசாயம் தொடங்கி விண்வெளி வரை சகல திசைகளிலும் வியக்க வைக்கிறார்கள். ஆனால், இந்த நவீன யுகத்திலும் அடக்குமுறையும், பாலியல் கொடுமையும் தினம் தினம் நடப்பது இந்த சமூகத்தின் சகிக்க முடியாத வேதனை.

ஆண்களைப் பலமாகப் படைத்ததற்குக் காரணமே பெண்களைப் பாதுகாக்கத் தான்; பலாத்காரப்படுத்த அல்ல. பெண்களை அடக்கி ஆள நினைக்கும் மனோபாவம் இன்னமும் நம்மிடத்தில் இருந்து முழுதாகப் போகவில்லை.

விதை உடைத்து வெளியே வரும் தளிர்போல தலைமுறை தலைமுறையாகத் தொடரும் அடக்குமுறைகளைப் பெண்கள் இப்போதுதான் உடைக்கத் தொடங்கி இருக்கிறார்கள். அவர்களைத் தட்டிக் கொடுக்கவோ, கைகுலுக்கவோ நம்மில் எத்தனை பேர் முன்வருகிறார்கள்? இணைய வளர்ச்சியைக்கூட, பிடிக்காத பெண்ணைப் பற்றி அவதூறு பரப்பும் அற்பத்துக்கே பயன்படுத்துகிறார்கள்.

எந்த விதத்தில்லும் நம்மில் எள் அளவும் குறைவில்லாத பெண்களை அவமானம், விமர்சனம் என வீழ்த்தியது போதும். அவர்களை நாம் கைதூக்கிவிட வேண்டிய தில்லை. சுயம்பாக எழுகிற அவர்களைப் பின்னோக்கி இழுக்காமல் இருந்தாலே போதும்.

பெண்ணாகப் பிறந்திருக்கும் அத்தனை பேருக்கும் என் மனமார்ந்த மகளிர் தின வாழ்த்துகள். கற்பழிப்புகளும், ஆசிட் வீச்சுகளும் இல்லாத உலகம் என்றைக்கு மலர்கிறதோ... அதுவே உண்மையான மகளிர் தினமாக இருக்கும்.

இவ்வாறு அவர் கூறினார்.


Post your comment





Related News
சசிகுமார் படத்தை கிளாப் அடித்து துவக்கி வைத்த சமுத்திரகனி
2.0 டிரைலர் வெளியீடு - விஷாலுக்கு அறிவுரை வழங்கிய அக்‌ஷய் குமார்
பழம்பெரும் இந்தி நடிகர் திலிப் குமார் ஆஸ்பத்திரியில் அனுமதி
ஜெயலலிதாக வாழ்க்கைப் படத்தில் சசிகலாவாக நடிக்க இரு நடிகைகளுடன் பேச்சுவார்த்தை
வீட்டை அபகரித்ததாக விஜயகுமார் புகார்: நடிகை வனிதா மீது 4 பிரிவுகளில் வழக்குப்பதிவு
அதர்வாவின் குருதி ஆட்டம் படத்தில் இணைந்த இரு பிரபலங்கள்
சவூதியில் வெளியாகும் முதல் இந்திய படம் என்ற பெருமையை பெற்ற அக்‌ஷய் குமாரின் கோல்ட்
இதுவரை சிவகுமார் ஆற்றிய உரைகளிலேயே ஆகச்சிறந்த உரை இதுதான் என்றே சொல்லவேண்டும்..!
தனுஷின் அடுத்தப்படத்தின் இயக்குனர் இவரா..? தனுஷின் புதிய முயற்சி..!
மேயாத மான் இயக்குனருடன் இணையும் அமலாபால்..!








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions