லாஸ் ஏஞ்சலஸ் விமான நிலையத்தில் ஷாருக் கானுக்கு இடையூறு: அமெரிக்க தூதர் மன்னிப்பு கேட்டார்

Bookmark and Share

லாஸ் ஏஞ்சலஸ் விமான நிலையத்தில் ஷாருக் கானுக்கு இடையூறு: அமெரிக்க தூதர் மன்னிப்பு கேட்டார்

பிரபல பாலிவுட் நடிகர் ஷாருக் கான் அமெரிக்காவுக்கு போகும் போதெல்லாம் அங்குள்ள குடியுரிமைத்துறை அதிகாரிகளிடம் சிக்கி படாதபாடு பட வேண்டியதாகி விடுகிறது. கடந்த 2009-ம் ஆண்டு அவர் அமெரிக்காவுக்கு சென்றபோது நியூ ஜெர்சி விமான நிலையத்தில் குடியுரிமைத்துறை அதிகாரிகளால் தடுத்து நிறுத்தப்பட்டார்.

அங்குள்ள கம்ப்யூட்டர்களில் ஷாருக் கான் என்ற பெயருக்கு பக்கத்தில் அபாய எச்சரிக்கை காணப்பட்டதால் அவரை துருவித்துருவி விசாரித்த அதிகாரிகள் கேள்வி கணைகளால் துளைத்தெடுத்தனர். பின்னர், இவர் வேறு ஷாருக் கான் என்பது தெளிவான பின்னரே அவரை தங்கள் நாட்டுக்குள் நுழைய அனுமதித்தனர்.

இதேபோல், கடந்த 2012-ம் ஆண்டும் நியூயார்க் விமான நிலையத்தில் குடியுரிமைத்துறை அதிகாரிகள் அவரை 2 மணிநேரம் காக்கவைத்து, தீவிர விசாரணைக்கு பின்னர் அனுமதித்தனர்.

இந்நிலையில், தற்போது நியூ ஜெர்சி விமான நிலையத்தில் தன்னை குடியுரிமைத்துறை அதிகாரிகள் மீண்டும் காக்கவைத்த சம்பவத்தை ஷாருக் கான் தனது டுவிட்டர் மூலம் பதிவு செய்துள்ளார்.

’உலகம் இன்று இருக்கும் நிலையில் பாதுகாப்பு தொடர்பான நடவடிக்கைகளை நான் முழுமையாக புரிந்து வைத்துள்ளேன். இத்தகைய பாதுகாப்பு நடவடிக்கைகளுக்கு மதிப்பும் அளிக்கிறேன். ஆனால், ஒவ்வொரு முறை அமெரிக்காவுக்கு வரும்போதும் இங்குள்ள குடியுரிமைத்துறை அதிகாரிகளால் காக்க வைக்கப்படுவது வேதனைக்குரியது.

ஆனால், இந்தமுறை காத்திருந்த நேரத்தில் சில போக்கிமோன்களை பிடிக்க முடிந்தது’ என வேதனை கலந்த கிண்டல் தொணியில் அமெரிக்க விமான நிலையத்தில் தற்போது தனக்கு ஏற்பட்ட அனுபவத்தை ஷாருக் கான் குறிப்பிட்டிருந்தார்.

இந்நிலையில், அமெரிக்கா சென்ற பாலிவுட் நடிகர் ஷாருக் கானை லாஸ் ஏஞ்சலஸ் விமான நிலையத்தில் குடியுரிமைத்துறை அதிகாரிகள் நிறுத்திவைத்த சம்பவத்துக்கு இந்தியாவுக்கான அமெரிக்க தலைமை தூதர் ரிச்சர்ட் வர்மா மன்னிப்பு கேட்டுள்ளார்.

தனது விவகாரத்தில் அக்கறை எடுத்து கொண்டமைக்காக ரிச்சர்ட் வர்மாவுக்கு ஷாருக் கான் நன்றி தெரிவித்துள்ளார்.


Post your comment





Related News
ரூ.1,000 கோடியில் தயாராகும் படத்தில் அமீர்கான், பிரபாஸ்
ராஷி கண்ணாவுடன் அயோக்யாவை தொடங்கினார் விஷால்
தல அஜித் படத்தை பார்த்து வியந்து போன ஷாருக்கான், என்ன படம் தெரியுமா..?
பணம் செல்லாமைக்குப் பின், சினிமா நாசம், விவசாயம் நாசம், எல்லாம் நாசம். இது தான் மத்திய அரசின்" மேக் இன் இண்டியா" திட்டமா?" படித்தவுடன் கிழித்து விடவும்" ஆடியோ விழாவில் மன்சூரலிகான் அதிரடி கேள்வி!
பாலிவுட் ஹீரோவுடன் பா.ரஞ்சித்தின் அடுத்த படம்?
என் ஓட்டு இவருக்குதான்! பிக்பாஸ் பற்றி பேசிய நடிகர் பிரபு
ரஜினி, விஜய் அரசியலை தாண்டி அஜித் வந்தால் இப்படி ஆகிவிடும்- பிரபலத்தின் ஹாட் டாக்
நடனத்தை மையப்படுத்தி உருவாகும் லஷ்மி
ஷாருக்கான் பட டீசரை வெளியிட்ட தனுஷ்
கொலை திட்டம் எதிரொலி: நடிகர் சல்மான்கானுக்கு பாதுகாப்பு அதிகரிப்பு








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions