சிம்பு எங்கே? - ஹைதராபாத், பெங்களூரில் பதுங்கல்? வலைவீசும் 3 தனிப் படைகள்!!

Bookmark and Share

சிம்பு எங்கே? - ஹைதராபாத், பெங்களூரில் பதுங்கல்? வலைவீசும் 3 தனிப் படைகள்!!

பீப் பாடல் விவகாரத்தில் தலைமறைவான நடிகர் சிம்புவைப் பிடிக்க சென்னை காவல் துறையின் சார்பில் 3 தனிப்படைகள் அமைக்கப்பட்டு உள்ளது. பீப் பாடல் விவகாரத்தில் நாள்தோறும் சிம்புவிற்கு நெருக்கடிகள் அதிகரித்து வருகிறது.

இந்த விவகாரத்தில் முன்ஜாமீன் கோரி சென்னை உயர் நீதிமன்றத்தில் சிம்பு தாக்கல் செய்த மனுவின் மீதான விசாரணை ஒத்தி வைக்கப்பட்டுள்ளது. இந்நிலையில் தமிழ்நாட்டில் இருந்து தப்பிச்சென்ற சிம்புவை கைது செய்ய 3 தனிப்படைகள் சென்னை காவல்துறையின் சார்பில் அமைக்கப்பட்டுள்ளது.

இந்த வழக்கில் முன்ஜாமீன் கேட்டு நடிகர் சிம்பு சென்னை உயர்நீதிமன்றத்தில் மனு ஒன்றை தாக்கல் செய்திருந்தார்.சென்னை உயர் நீதி மன்றத்தில் நேற்று நடந்த விசாரணையில், சிம்பு முன்ஜாமீன் கோரிய வழக்கை ஜனவரி 4 ம் தேதிக்கு ஒத்தி வைத்து நீதிபதி தீர்ப்பு கூறினார்.

மேலும் சிம்புவின் முன்ஜாமீன் மனுவுக்கு பதில்மனு ஒன்றை போலீஸ் தாக்கல் செய்யவும், ஜனவரி 2 ம் தேதி சிம்பு ஆஜராக வேண்டும் என்பதன் கால அவகாசத்தை நீட்டிக்குமாறும் போலீஸ்க்கு நீதிபதி உத்தரவு பிறப்பித்துள்ளார்.

மேலும் இந்த வழக்கில் போலீசார் சிம்புவைக் கைது செய்ய எவ்விதத் தடையும் இல்லை என்றும், தேவைப்பட்டால் எந்த நேரமும் போலீசார் கைது செய்யலாம் என்றும் நீதிபதி உத்தவிட்டார்.

சிம்புவிடம் விசாரணை நடத்த அவரது வீட்டிற்கு சென்றபோது அங்கு சிம்பு இல்லை. மேலும் கடந்த 10 நாட்களாக அவரது மொபைல் அணைத்து வைக்கப்பட்டுள்ளது. இதனால் தமிழ்நாட்டை விட்டு சிம்பு தலைமறைவாக இருக்கிறார் என்ற முடிவிற்கு வந்த போலீசார் சிம்புவை தேடும் பணியில் தற்போது இறங்கி உள்ளனர்.

இந்த விவகாரத்தில் தலைமறைவாக இருக்கும் நடிகர் சிம்புவை கைது செய்ய 3 தனிப்படைகள் அமைக்கப்பட்டு இருப்பதாக சென்னை காவல் துறையினர் தெரிவித்து இருக்கின்றனர். தமிழ்நாட்டில் சிம்பு இல்லை என்பதால் கேரளா மற்றும் ஆந்திரா மாநிலங்களில் போலீசார் தங்களது தேடுதல் வேட்டையை தீவிரப்படுத்தி உள்ளனர்.

மேலும் சிம்புவைப் பற்றி அவரது உறவினர்கள் மற்றும் நண்பர்களிடமும் போலீசார் தொடர்ந்து விசாரணை நடத்தி வருகின்றனர்.சிம்புவின் நெருங்கிய நண்பர்கள், உறவினர்களின் செல்போன்களை தற்போது போலீசார் கண்காணித்து வருகிறார்கள்.

இந்த வழக்கில் சிம்பு எந்த நேரத்திலும் கைதாகலாம் என்ற நிலையில், காவல் துறையினர் வேகமாக சிம்புவை கைது செய்ய திட்டமிட்டுள்ளனர். பீப் பாடலை திருட்டுத்தனமாக வெளியிட்டது யார்? என்பதைக் கண்டுபிடிக்கும் முயற்சியிலும் போலீசார் தீவிரம் காட்டி வருகின்றனர்.

அமெரிக்காவில் உள்ள யூடியூப் தலைமையகத்துக்கு சென்னை போலீசார் மெயில் ஒன்றையும் அனுப்பி,பீப் பாடலை இணையத்தில் வெளியிட்டவர் யார் என்பதை கண்டுபிடிக்க உதவி செய்ய வேண்டும் என்று கேட்டுள்ளனர்.

முதல் முறை அனுப்பிய மெயிலுக்கு சரியான பதில் வராத நிலையில் 2-வது முறையும் போலீசார் இந்த மெயிலை அனுப்பி இருக்கின்றனர்.


Post your comment





Related News
இந்தியன் 2 படத்தில் நடிக்க சிம்புடன் பேச்சுவார்த்தை
சிம்பு படத்திற்கு தடை கேட்கும் தயாரிப்பாளர் - வீடியோ வெளியிட்டு ரசிகர்கள் எதிர்ப்பு
சிம்புவை நயன்தாரா திருமணம் செய்யாததற்கு இதுதான் காரணமா?
செக்கச்சிவந்த வானம் படக்குழுவின் முக்கிய அறிவிப்பு
படங்களில் நடிக்கக் கூடாது - சிம்புவுக்கு எதிராக தயாரிப்பாளர் மீண்டும் புகார்
சிம்பு, விக்ரம் பட இயக்குனருடன் இணைந்த விஜய் சேதுபதி
மேடையில் பேசாமல் ஓடிய சிம்பு
சிம்பு வளர்ச்சியை பொறுக்க முடியாமல் வழக்கு தொடர்ந்துள்ளனர் - டி.ராஜேந்தர்
அரசன் படத்தில் நடிக்காமல் இழுத்தடிப்பு - நடிகர் சிம்புவுக்கு ஐகோர்ட்டு அதிரடி உத்தரவு
கமல் ரசிகர் பற்றிய படத்தில் சிம்பு பாடல்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions