சிவலிங்கா அரங்குகளில் சிரிப்பு மழை... ஆஹா வந்துட்டாருய்யா வடிவேலு!

Bookmark and Share

சிவலிங்கா அரங்குகளில் சிரிப்பு மழை... ஆஹா வந்துட்டாருய்யா வடிவேலு!

நான்கைந்து ஆண்டுகள் வடிவேலு காமெடியைக் காணாமல் காய்ந்து கிடந்த தமிழ் சினிமாவுக்கு இன்று கொண்டாட்ட நாளாக அமைந்துள்ளது.

சிவலிங்காவில் வடிவேலுவின் காமெடிதான் பிரதானமாகப் பேசப்படுகிறது. படம் பார்த்த பலரும், 'கைப்புள்ள வடிவேலுவை நம்பி போனோம்... அவர் கைவிடவில்லை' என்று கருத்துத் தெரிவித்துள்ளனர்.

பி வாசு இயக்கத்தில் ராகவா லாரன்ஸ், ரித்திகா சிங் நடித்துள்ள இந்தப் படத்தை ட்ரைடன்ட் நிறுவனம் தயாரித்துள்ளது.

லாரன்ஸ் திரையுலக வரலாற்றிலேயே அதிகபட்சமாக 1400 அரங்குகளில் இந்தப் படம் வெளியாகியுள்ளது (தமிழகம் மற்றும் உலகெங்கும்).

படம் ஒரு ஹாரர் காமெடி ரகம். எனவே சந்திரமுகி மாதிரி இந்தப் படத்திலும் வடிவேலுவை பிரதான காமெடியனாக நடிக்க வைத்துள்ளார் பி வாசு. இந்தப் படத்துக்கு பெரிய ப்ளஸ்ஸாக அமைந்துள்ளது வடிவேலுவின் காமெடி. அவரும் பழைய ஹீரோ கனவையெல்லாம் மூட்டை கட்டி வைத்துவிட்டு இறங்கி வந்து காமெடி செய்திருக்கிறார்.

அதற்கான பலனை திரையரங்குகளில் காண முடிகிறது. மக்கள் வடிவேலுவின் காமெடியை அப்படி ரசிக்கிறார்கள்.

விஜயகாந்த் Vs வடிவேலு என்றான பிறகு, வடிவேலு திரையில் வந்தாலும் பெரிய அளவில் அவரது காமெடிகள் ரசிக்கும்படி இல்லை. அவர் நாயகனாக நடித்த தெனாலிராமன், எலி, மீண்டும் காமெடியனாக தலைகாட்டிய கத்தி சண்டை போன்ற படங்கள் பெரிதாகப் பேசப்படவில்லை. அந்தக் குறையை ஈடுகட்டியுள்ளது சிவலிங்கா என்பதே ரசிகர்கள் தீர்ப்பு.

வைகைப் புயலே... இந்த தமிழ் சினிமாவை புரட்டிப் போட மீண்டும் வருக!!


Post your comment





Related News
காதலரை மணந்தார் பாவனா - நெருங்கிய உறவினர்கள், நண்பர்கள் மட்டுமே பங்கேற்பு
மீண்டும் சுசி லீக்ஸ் - ஆபாச ‘வீடியோ’ வெளியாவதால் நடிகைகள் கலக்கம்
“நடிகைகளை திருமணம் செய்து கொள்ள ஏன் தயங்குகிறார்கள்” - நடிகை நமீதா வேதனை
மீண்டும் ஏரியா தாதாவாக களமிறங்கிய தனுஷ்
தறியுடன் நாவல் “சங்கத்தலைவன்“ என்ற பெயரில் திரைப்படமாகிறது
"மோகினி" திரைப்படம் உண்மை சம்பவங்களை அடிப்படையாக கொண்டே உருவாகியுள்ளது. - இயக்குனர் R. மாதேஷ்
நடிக்க வாய்ப்பு தருவதாக பாலியல் தொல்லை - பட அதிபர் மீது சுருதி ஹரிகரன் புகார்
ரஜினி மக்கள் மன்றத்தின் வேலூர் மாவட்ட நிர்வாகிகள் நியமனம்
படப்பிடிப்பின் போது மயங்கி விழுந்த இயக்குநர் மகேந்திரன்
‘நாச்சியார்’ படத்தின் ரிலீஸ் தேதி அறிவிப்பு







About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2017. All rights reserved. Entertainment and Information Portal, TamilStar.com  Privacy Policy | Terms & Conditions