திரைப்பட தொழிலாளர்கள் வேலை நிறுத்தத்தால் 20 சினிமா படப்பிடிப்புகள் ரத்து

Bookmark and Share

திரைப்பட தொழிலாளர்கள் வேலை நிறுத்தத்தால் 20 சினிமா படப்பிடிப்புகள் ரத்து

தென்னிந்திய சினிமா ஒளிப்பதிவாளர் சங்கத்தில் முறைகேடுகள் நடந்துள்ளதாக அதன் தற்போதைய தலைவர் பி.சி.ஸ்ரீராம் போலீஸ் கமிஷனர் அலுவலகத்தில் இரு தினங்களுக்கு முன்பு புகார் மனு கொடுத்தார்.

சங்கத்தின் முன்னாள் நிர்வாகிகள் என்.கே.விஸ்வநாதன், ஜி.சிவா, செல்வராஜ் ஆகியோர் மலேசியாவில் நடந்த விருது வழங்கும் நிகழ்ச்சி தொடர்பாக முறையாக கணக்கு காட்டவில்லை என்றும், ரூ.77.50 லட்சத்துக்கு முறைகேடு நடந்துள்ளது என்றும் புகாரில் கூறி இருந்தார்.

இதற்கு தென்னிந்திய திரைப்பட தொழிலாளர்கள் சம்மேளனம் எதிர்ப்பு தெரிவித்தது. தற்போது திரைப்பட தொழிலாளர் சம்மேளனத்தில் ஜி.சிவா தலைவராக உள்ளார் என்பது குறிப்பிடத்தக்கது. அவர் மீது குற்றம் சாட்டியதை கண்டித்து திரைப்பட தொழிலாளர்கள் நேற்று சென்னையில் நடந்த படப்பிடிப்புகளில் பங்கேற்காமல் வேலை நிறுத்தம் செய்தனர்.இதனால் படப்பிடிப்புகள் பாதிக்கப்பட்டன. ஸ்டூடியோக்களில் நடந்த படப்பிடிப்புகளும் நிறுத்தப்பட்டன.

பாடல் பதிவு, எடிட்டிங், டப்பிங், உள்பட சினிமா சம்பந்தப்பட்ட பணிகள் எதுவும் நடைபெறவில்லை. வெளியூர்களில் நடந்த படப்பிடிப்புகள் மட்டும் வழக்கம்போல் நடந்தன.இதுகுறித்து திரைப்பட தொழிலாளர் சம்மேளன பொதுச்செயலாளர் கே.ஆர்.செல்வராஜ் கூறும்போது, “எங்கள் சம்மேளனத்தின் தலைவர் ஜி.சிவா மீது ஒளிப்பதிவாளர் சங்கம் சார்பில் அபாண்டமாக குற்றம் சாட்டப்பட்டு உள்ளது.

இதை கண்டித்து சென்னையில் மட்டும் திரைப்பட தொழிலாளர்கள் வேலை நிறுத்தத்தில் ஈடுபட்டனர். 20 படங்களின் படப்பிடிப்புகள் நடைபெறவில்லை.ரஜினிகாந்த் நடிக்கும் 2.0 படத்தின் படப்பிடிப்புக்கு வெளியூர்களில் இருந்து

நடிகர்கள் மற்றும் தொழில்நுட்ப கலைஞர்கள் பலர் வந்து இருந்ததால் அதன் படப்பிடிப்பு பாதிக்க வேண்டாம் என்ற நோக்கத்தில் மதியத்துக்கு மேல் படப்பிடிப்பை நடத்த ஒத்துழைப்பு அளித்தோம்” என்றார். 

 


Post your comment





Related News
சவுத் இந்தியன் பிலிம்சேம்பர் தேர்தல்: போட்டியில் இருந்து ஒரு அணி விலகல்
சினிமா துறையை காப்பாற்றவே தயாரிப்பாளர் சங்க தேர்தலில் போட்டியிடுகிறோம்: விஷால்
தலை நிமிர வைத்த இயக்குநர் அமீர்!
யார் கண் பட்டதோ- நண்பர்களுக்குள் இப்படி ஒரு விரிசலா?
மீடியா வெளிச்சமே இல்லாமல் நடந்த முதல் சினிமா போராட்டம்!#Jallikattu
நோ பிரஸ் மீட்ஸ், ஆடியோ ரிலீஸ், பட வெளியீடு... ஜல்லிக்கட்டுக்காக ஸ்தம்பித்தது திரையுலகம்!
அப்படி ஓரமாப் போய் விளையாடனும்.. சினிமாக்காரர்களை ஒதுக்கி ஓரம் கட்டிய இளைஞர் பட்டாளம்!
அஜித் படத்தை வாங்கிய சர்ச்சை நிறுவனம் – அரசியல் பஞ்சாயத்து தொடங்குமா?
திலீப்பை திருமணம் செய்ததும் காவ்யா செய்த முதல் வேலை!
சினிமா படப்பிடிப்புகள் நிறுத்தப்படவில்லை: தயாரிப்பாளர்கள் சங்கம் அறிக்கை!







About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2017. All rights reserved. Entertainment and Information Portal, TamilStar.com  Privacy Policy | Terms & Conditions