இயக்குனராக அவதாரம் எடுத்த டான்ஸ் மாஸ்டர் ஸ்ரீதர்!

Bookmark and Share

இயக்குனராக அவதாரம் எடுத்த டான்ஸ் மாஸ்டர் ஸ்ரீதர்!

800 படங்களுக்கு மேல் நடன இயக்குனராக பணிபுரிந்தவர் ஸ்ரீதர், இவர் ‘சாவடி’ என்னும் படம் மூலம் இயக்குனராக அவதாரம் எடுத்துள்ளார். இந்த படத்தின் பூஜை இன்று நடந்தது. இப்படத்தை இயக்குவதோடு மட்டுமல்லாமல் கதாநாயகனாகவும் நடிக்கிறார் ஸ்ரீதர். 

படத்தை பற்றி இவர் கூறுகையில், ‘இன்றைய காலத்தில் செல்போன் எப்படி தவிர்க்க முடியாத அங்கமாக மாறிவிட்டதோ, அதே போல் பைக் இளைஞர்கள் மத்தியில் நகமும் சதையுமாக ஒன்றிவிட்டது.

குறிப்பாக ஸ்ட்ரீட் ரேஸ் பைக் என்றால் இளைஞர்களுக்கிடையே தனி உற்சாகமே வந்துவிடும். இந்த புதிய படமும் இளைஞர்களை மையப்படுத்தியே எடுக்கப்படுகிறது.

சாலைகளில் வேகமாக செல்லும் இளைஞர்கள் அதன்பின் விளைவுகளை பற்றி கவலைப்படுவதில்லை. மேலும் இதனால் பொதுமக்கள் மற்றும் பெற்றோர்கள் எப்படி பாதிக்கப்படுகிறார்கள் என்பதை பற்றிய கதையே இந்த படம். இப்படி ஒரு விழிப்புணர்வு சார்ந்த படத்தை இயக்க என்னை தூண்டியது என் கண் எதிரே நடந்த விபத்து ஒன்று தான் காரணம்.

இந்த படத்துக்காக கிட்டத்தட்ட 7 வருடம் ரேசில் ஈடுபடும் இளைஞர்களுடன் என்னுடைய நேரத்தை செலவழித்திருக்கிறேன். இந்த படத்துக்காக மொத்தம் 50 இளைஞர்களை நான் தேர்வு செய்து வைத்திருந்தேன். அதில் டில்லிகணேஷ் என்ற இளைஞர் நிஜமாகவே ரேஸில் ஈடுபடும் போது இறந்துவிட்டார் என்ற தகவல் வந்தபோது மிகவும் வருந்திவிட்டேன்.

மொத்தம் 45 முதல் 50 நாட்கள் வரை இந்த படத்தின் படப்பிடிப்பை நடத்த திட்டமிட்டிருக்கிறோம். வருகிற 18ம்தேதி தொடங்கி ஒரே ஷெட்யூலில் முடிக்க திட்டமிட்டுள்ளோம். இப்படம் ஜூலையில் திரைக்கு வருகிறது.

இப்படத்தில் நடிகை ஷில்பா, மொட்டை ராஜேந்திரன், ஜித்தேஷ், தீரன் மற்றும் பலர் நடிக்கிறார்கள். லிபி சினி கிராப்ட்ஸ் வி.என்.ரஞ்சித் குமார் தயாரிக்கும் 3வதுபடம் இது.


Post your comment





Related News
இறுதிகட்ட படப்பிடிப்பில் அங்காடித்தெரு மகேஷின் "வீராபுரம்".
நடன இயக்குனர் ஸ்ரீதர் கதாநாயகனாக நடிக்கும் போக்கிரி மன்னன்
தயாரிப்பாளரானார் ஓவியர் ஸ்ரீதர்!
டான்ஸ் மாஸ்டர் ஸ்ரீதரின் செருப்பு நடனம்!
காதலிக்க நேரமில்லை திரைக்காவியம்: பொன்விழா கொண்டாட்டம்
ரஜினி ரசிகர் மன்றம் சார்பில் புதுக்கோட்டை தேர்தலில் போட்டி : ரஜினி அதிருப்தி








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions