பாகுபலி 3ம் பாகம் வருமா? – ராஜமௌலி விளக்கம்

Bookmark and Share

பாகுபலி 3ம் பாகம் வருமா? –  ராஜமௌலி விளக்கம்

எஸ்.எஸ்.ராஜமௌலி இயக்கத்தில் பிரபாஸ், ராணா டகுபதி, அனுஷ்கா, தமன்னா என பலருடைய நடிப்பில் பிரம்மாண்டமாக வெளிவந்த ‘பாகுபலி’, 100 நாட்களை கடந்து சுமார் ரூ.700 கோடிக்கும் மேல் வசூலித்து சாதனை புரிந்துள்ளது.

இப்படத்தின் இரண்டாம் பாகத்தின் பணிகள் தற்போது தொடங்கி விறுவிறுப்பாக நடைபெற்று வருகிறது. இந்நிலையில், ராஜமௌலி ‘பாகுபலி’ படத்தை மூன்றாவது பாகமாகவும் எடுக்கப்போவதாக சமீபத்தில் செய்திகள் வெளிவந்தது.

ஆனால், ‘பாகுபலி’ படத்தின் கதையையே மூன்றாம் பாகமாக இழுக்கப்போகிறரா? அல்லது புதிய கதையாக எடுக்கப் போகிறாரா? என்று ரசிகர்களுக்கு ரொம்பவும் குழப்பமாக இருந்தது. ஆனால், திடீரென்று ராஜமௌலி, மூன்றாம் பாகம் எடுப்பதை குழப்பத்துடன் தனது டுவிட்டரில் பதிவு செய்திருந்தார்.

இந்த குழப்பத்திற்கு இன்று ராஜமௌலி விளக்கம் அளித்துள்ளார். இதுகுறித்து அவர் கூறும்போது, பாகுபலி 3-ம் பாகம் குறித்து தெளிவான விவரத்தை அளிப்பதற்கு பதிலாக நானே குழப்பத்தை உண்டாக்கிவிட்டேன் போலிருக்கிறது, மன்னிக்கவும்.

‘பாகுபலி’ படத்தின் மூன்றாம் பாகம் உருவாக்கும் எண்ணம் உள்ளது. ஆனால், இதற்காக ‘பாகுபலி’யின் இரண்டு பாகங்களுக்காக எழுதிய கதையை மூன்றாம் பாகத்திலும் இழுக்க மாட்டோம். இந்தக் கதை இரண்டாம் பாகத்துடனேயே முடிந்துவிடும்.

‘பாகுபலி’ படத்தின் மூன்றாம் பாகம் இதுவரை நீங்கள் அனுபவித்திருக்காத விதத்தில் அமையும். இப்போது குழப்பம் தீர்ந்திருக்கும் என நம்புகிறேன்,” என கூறியுள்ளார்.
இதை வைத்து பார்க்கும்போது ‘பாகுபலி’ படத்தின் மூன்றாம் பாகம் வேறு ஒரு கதையுடன் உருவாக வாய்ப்புள்ளது என்றே தெரிகிறது. 


Post your comment





Related News
வதந்திக்கு முற்றுப்புள்ளி வைத்த இயக்குனர் ஏ.ஆர்.முருகதாஸ்
ரஜினியை நான் இயக்கும் படம் விசில் பறக்கும் - ராஜமவுலி
மிஷ்கினிடம் ஒரு கோடி ரூபாயை ஏமாந்தேன் - இளம் நடிகர் மைத்ரோயா புகார்
ராஜமவுலியின் அடுத்த படத்தில் சமுத்திரக்கனி
தயாரிப்பாளர்களின் காப்புரிமையில் தலையிட இளையராஜாவுக்கு தடை - தயாரிப்பாளர்கள் வழக்கு
ரஜினியின் அடுத்த படத்தை இயக்குவதை உறுதிப்படுத்திய ஏ.ஆர்.முருகதாஸ்
சர்கார் பட விவகாரம் - தனக்கு எதிராக வழக்கை ரத்து செய்ய முருகதாஸ் சென்னை உயர்நீதிமன்றத்தில் முறையீடு
சர்கார் படத்தில் சர்ச்சை காட்சி - ஏ.ஆர்.முருகதாஸ் மீது 3 பிரிவுகளில் வழக்குப்பதிவு
அஜித்தின் சம்மதத்தை எதிர்பார்க்கும் ஏ.ஆர்.முருகதாஸ்
நடிகை ரியாமிகா தூக்குப்போட்டு தற்கொலை








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions