தயவு செய்து வேண்டாம் - ரசிகர்களுக்கு சூர்யாவின் வேண்டுகோள்

Bookmark and Share

தயவு செய்து வேண்டாம் - ரசிகர்களுக்கு சூர்யாவின் வேண்டுகோள்

தனது நடிப்பில் வெளியாகவிருக்கும் பசங்க 2 படத்திற்கு பேனர், கட் அவுட் போன்றவை வேண்டாம். அதற்குப் பதிலாக மக்களுக்கு உதவி செய்யுங்கள் என்று நடிகர் சூர்யா ரசிகர்களுக்கு வேண்டுகோள் விடுத்திருக்கிறார். சூர்யா நடிப்பில் வருகின்ற 24 ம் தேதி பசங்க 2 திரைப்படம் வெளியாகிறது. இந்தப் படத்தில் சூர்யாவுடன் இணைந்து பிந்து மாதவி, அமலாபால் ஆகியோர் நடித்து இருக்கின்றனர்.

வழக்கமாக தங்களது அபிமான நடிகர்கள் நடிக்கின்ற படத்திற்கு ரசிகர்கள் கட் அவுட், பேனர் ஆகியவற்றை வைப்பார்கள். ஆனால் நடிகர் சூர்யா தனது படத்திற்கு இவை எதுவும் தேவையில்லை என்று கூறியிருக்கிறார்.

இது குறித்து அவர் கூறும்போது "சென்னை மற்றும் கடலூரில் மழை வெள்ளத்தால் பாதிக்கப்பட்ட மக்களுக்கு உங்களில் பலர் நேரிடையாக களத்தில் நின்றும் வெளியில் இருந்து மீட்பு மற்றும் நிவாரணப் பணிகளில் தொடர்ந்து ஈடுபட்டு வருகிறீர்கள்.

உங்களின் மனித நேயப் பணி சிறக்க என் வாழ்த்துக்கள். அன்பின் வெளிப்பாடாக எனக்காக நீங்கள் பேனர்கள் வைப்பதையோ, போஸ்டர்கள் ஒட்டுவதையோ என்றைக்கும் நான் விரும்பியதில்லை.

இதை நான் உங்களிடம் பலமுறை நேரிடையாகவே சொல்லியிருக்கிறேன். வரும் டிசம்பர் 24ம் தேதி வெளியாக உள்ள 'பசங்க 2' திரைப்படத்திற்கு தியேட்டர்களை அலங்கரிக்கும் வேலையைச் செய்யாமல் பாதிக்கப்பட்ட மக்களுக்கு உங்களால் முடிந்த உதவிகளைச் செய்யுங்கள்.

நிவாரணப் பணிகளை ஒருங்கிணைத்து செயல்பட தலைமை மன்ற அலுவலகத்தை தொடர்பு கொள்ளுங்கள். வீண் செலவுகளைத் தவிர்த்து பாதிக்கப்பட்ட மக்களுக்கு தேவையான நிவாரணப் பணிகளில் ஈடுபடுங்கள்". என்று நடிகர் சூர்யா தனது ரசிகர்களுக்கு வேண்டுகோள் விடுத்திருக்கிறார்.

மேலும் இது தவிர வருகின்ற 20 ம்தேதி திருவள்ளூர் மாவட்டத்தில் தான் தத்தெடுத்து இருக்கும் கிராமங்களில் உள்ள 600 பேருக்கு அப்போலோ மருத்துவமனையுடன் இணைந்து மருத்துவ முகாம் ஒன்றை சூர்யா நடத்தவிருக்கிறார்.


Post your comment





Related News
ரஜினிகாந்தின் 2.0 விரைவில் ரிலீஸ் - தமிழ்ராக்கர்ஸ் அறிவிப்பு
2.0 டிரைலர் ரிலீஸ் - ரஜினிக்கு கமல் வாழ்த்து
எந்திரன் 3.0 வருமா? - இயக்குநர் ஷங்கர் பதில்
லேட்டா வந்தாலும் கரெக்ட்டா வரணும் - 2.0 டிரைலர் வெளியீட்டில் ரஜினிகாந்த் பேச்சு
பெரும் எதிர்பார்ப்புகளுக்கு மத்தியில் வெளியானது 2.0 டிரைலர்
2.0 டிரைலர் வெளியீடு - விஷாலுக்கு அறிவுரை வழங்கிய அக்‌ஷய் குமார்
2.0 படக்குழுவின் அடுத்த அறிவிப்பு - நாளை சிறப்பு விருந்து
என்னை ஆதரித்த அனைவருக்கும் நன்றி - பிக்பாஸ் வெற்றியாளர் ரித்விகா
கூத்தன் படம் பார்ப்பவர்களுக்கு 18 பவுன் தங்கம்: அசரடிக்கும் தயாரிப்பாளர்!
கதை கசிந்து விட்டதாக பரபரப்பு : ரஜினியின் ‘பேட்ட’ படம், பாட்ஷா 2–ம் பாகமா?








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions