சயின்ஸ்ஃபிக்ஷன் படமாக உருவாகிறது சூர்யாவின் '24'

Bookmark and Share

சயின்ஸ்ஃபிக்ஷன் படமாக உருவாகிறது சூர்யாவின் '24'

தமிழில் சயின்ஸ் ஃபிக்ஷன் படங்கள் வெளிவருவதே அபூர்வமான விஷயமாக இருக்கிறது. கடந்த வருடங்களில் தமிழில் எடுக்கப்பட்ட சயின்ஸ் ஃபிக்ஷன் படங்களில், ஷங்கர் இயக்கத்தில் ரஜினி நடித்த எந்திரன் படம் சிறப்பான முறையில் எடுக்கப்பட்டிருந்தது.

அதன் பிறகு அப்படியொரு முயற்சியையும் யாரும் செய்யவில்லை. சயின்ஸ்ஃபிக்ஷன் படம் எடுப்பதில் மிகப்பெரிய வெற்றிடம் ஏற்பட்டுள்ள இப்படியான சூழ்நிலையில் சூர்யா அடுத்து நடிக்கவிருப்பது சயின்ஸ்ஃபிக்ஷன் படம் என்ற தகவல் தற்போது வெளியாகி உள்ளது.

வெங்கட்பிரபு இயக்கத்தில் தற்போது மாஸ் படத்தில் நடித்து வரும் சூர்யா, இப்படத்தை முடித்த உடன் '24' என்ற படத்தில் நடிக்கிறார். இப்படத்தை அவரே தயாரிக்கிறார். ஏ.ஆர்.ரகுமான் இசையமைக்கிறார்.

யாவரும் நலம் படத்தை இயக்கிய விக்ரம் குமார் இயக்கும் '24' படம் முழுமையான சயின்ஸ் ஃபிக்ஷன் படமாக உருவாகிறது. இப்படத்தின் படப்பிடிப்பில் பல புதிய நவீன தொழில்நுட்பங்களை பயன்படுத்த வேண்டி இருப்பதால் '24' படத்தின் 90 சதவிகித படப்பிடிப்பு மும்பையில் உள்ள பிரபல ஸ்டுடியோவிலேயே நடைபெறுகிறது.

ப்ளோர் முழுக்க க்ரீன்மேட் செய்யப்பட்டுள்ள அந்த ஸ்டுடியோவில் எடுக்கப்பட்ட காட்சிகளுக்கு அமெரிக்கா சென்று கிராபிக்ஸ் செய்ய இருக்கிறார்களாம்.


Post your comment












About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions