'தல 56' எப்போது ஆரம்பம்...?

Bookmark and Share

'தல 56' எப்போது ஆரம்பம்...?

அஜித் நடித்து சமீபத்தில் வெளியான 'என்னை அறிந்தால்' படம் வெற்றிகரமாக ஓடிக் கொண்டிருக்கிறது. இந்தப் படத்தையடுத்து மீண்டும் 'வீரம்' இயக்குனர் சிவா இயக்கத்தில் அஜித் நடிக்கவிருக்கும் புதிய படத்தின் படப்பிடிப்பு எப்போது ஆரம்பமாகும் என அஜித் ரசிகர்கள் ஆவலுடன் காத்துக் கொண்டிருக்கிறார்கள்.

இந்தப் படத்தின் படப்பிடிப்பு 'என்னை அறிந்தால்' வெளியானதும் பிப்ரவரி மாதக் கடைசியில் ஆரம்பமாகும் என்று முன்னர் சொல்லப்பட்டது. ஆனால், படப்பிடிப்பை தற்போது ஏப்ரல் மாதத்திற்கு தள்ளி வைத்துள்ளார்களாம்.

அஜித், கர்ப்பமாக இருக்கும் மனைவி ஷாலினியின் அருகிலேயே இருந்து அவரைக் கவனித்துக் கொள்ள முடிவெடுத்திருக்கிறாராம். அடுத்த மாதம் குழந்தை பிறக்கலாம் என தகவல் வெளியாகியுள்ளது.

தனது மனைவியின் மீதும், மகள் மீதும் அளவு கடந்த பாசத்துடன் இருக்கும் அஜித் இரண்டாவது குழந்தை பிறப்பின் போதும் மனைவியின் அருகிலேயே இருக்க வேண்டும் என்று ஆசைப்படுகிறாராம்.

அதனால்தான் படப்பிடிப்பைக் கூட ஒரு மாதம் தள்ளி வைத்துக் கொள்ளலாம் என தயாரிப்புத் தரப்பிலும் தெரிவித்துள்ளார்கள் என்று சொல்கிறார்கள்.மேலும், படத்திற்கு இன்னும் நாயகி யார் என்பதும், மற்ற தொழில்நுட்பக் கலைஞர்களைத் தேர்வு செய்யும் வேலையும் ஒரு பக்கம் நடந்து வருகிறதாம்.

அந்த வேலைகள் முடிவதற்கும் அஜித் படப்பிடிப்பில் வந்து கலந்து கொள்வதற்கும் சரியாக இருக்கும் என்கிறார்கள். ஏற்கெனவே சமந்தா, ஹன்சிகா ஆகியோர் அஜித் ஜோடியாக நடிக்க வாய்ப்புள்ளது என்று செய்திகள் வெளியான நிலையில் தற்போது ஸ்ருதிஹாசன், அனுஷ்கா, பிந்து மாதவி ஆகியோரின் பெயரும் அடிபடுகிறது.

பிந்து மாதவியும் பல பேட்டிகளில் அஜித்துடன் நடிக்க மிகவும் ஆர்வமாக இருப்பதாக தெரிவித்திருந்தார். இருந்தாலும் இன்னும் எதுவும் முடிவு செய்யப்படவில்லை என்று கோலிவுட் வட்டாரங்கள் தெரிவிக்கின்றன. விரைவில் 'தல 56' பற்றிய அறிவிப்புகள் வெளியாகலாம்.


Post your comment





Related News
விஜய் படத்தை எதிர்பார்க்கும் ராஷ்மிகா
தளபதி 63 படத்தின் அதிகாரப்பூர்வ அறிவிப்பு
18 கிலோ மீட்டர் பின் தொடர்ந்து வந்த ரசிகரை நெகிழ வைத்த அஜித்
தீபாவளி பாதுகாப்பு பணியில் அஜித்
ஐயம் ய கார்ப்ரேட் கிரிமினல் - விஜய்யின் சர்கார் டீசர் ரிலீஸ்
அஜித்துக்காக காத்திருக்கிறேன் - ஹன்சிகா
சரஸ்வதி பூஜைக்கு விருந்து ரெடி - சர்கார் டீசர் ரிலீஸ் தேதி அறிவிப்பு
விஸ்வாசம் அப்டேட் - அடுத்த கட்டத்திற்கு தயாரான அஜித்
அஜித்தின் விஸ்வாசம் படக்குழுவின் முக்கிய அறிவிப்பு
ஆஸ்திரேலியாவில் நடந்த ஆளில்லா விமானப்போட்டியில் நடிகர் அஜித் அணிக்கு 2 வது இடம்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions