துப்பார்க்கு துப்பாய படத்தில் விடாமல் விரட்டும் விளையாட்டுப் பேய்!

Bookmark and Share

துப்பார்க்கு துப்பாய படத்தில் விடாமல் விரட்டும் விளையாட்டுப் பேய்!

“விடிவெள்ளி வென்ச்சர்ஸ்” நிறுவனத்தின் சார்பில் ஜானகி தருமராசன் தயாரிக்கும் திரைப்படம், ‘துப்பார்க்கு துப்பாய’. இந்த திரைப்படத்தில் மலேசியாவின் பிரபல நடிகர் ‘விகடகவி’ மகேந்திரன் கதாநாயகனாக நடித்துள்ளார்.

‘ஜோடி நம்பர் ஒன்’ புகழ் ஆனந்தி இந்த திரைப்படத்தின் கதாநாயகி ஆவார். ‘தாரை தப்பட்டை’ திரைப்படத்தில் அதிரடி கவர்ச்சி விருந்து படைந்த ஆனந்தி, ‘துப்பார்க்கு துப்பாய’ திரைப்படத்தில் அம்சமான வேடத்தில் நடத்துள்ளார். பாடல்களில் ரசிகர்களின் மனம் கவரும் வகையில் நடனம் ஆடியுள்ளார், ஆனந்தி.

‘வாட்ஸ் ஆப்’பில் பெரும் பரபரப்பை ஏற்படுத்தி ஒரு சம்பத்தின் அடிப்படையில் கற்பனையாக உருவாக்கப்பட்டுள்ள ‘துப்பார்க்கு துப்பாய’, நகைச்சுவை கலந்த பேய்ப் படமாக உருவாகி உள்ளது. ஆவி வேடத்தில் நடித்திருப்பவர், புதுமுகம், ரியா. கதாநாயகனையும், அவனது நண்பர்களையும் பேய் ஒன்று விடாமல் விரட்டிக் கொண்டு இருக்கிறது.

அவர்கள் எந்த இடத்துக்கு சென்றாலும் பின்னாலேயே செல்லும் பேய், கதாநாயகன் குழுவினருடன் கண்ணாமூச்சு ஆட்டம் போடுகிறது. எதற்கான பேய் விரட்டுகிறது? அப்பாவிப் பெண் அலற வைக்கும் பேயானது எப்படி? கதாநாயகன் பேயிடம் இருந்து எப்படி தப்பினான்? வில்லன்கள் எப்படி இதற்குப் பின்னணியாக இருக்கிறார்கள்? இவை அனைத்துக்கும் நடுவே நாயன்-நாயகிக்கு காதல் எப்படி நிகழுகிறது? என்பன போன்ற அடுக்கடுக்கான கேள்விகளுக்கு விடை தரும் வகையில் ‘துப்பார்க்கு துப்பாய’ திரைப்படத்தின் திரைப்படத்தின் கதையை பரபரப்பாக அமைத்து இயக்கி இருக்கிறார், ராஜ ராஜ ராஜன்.

படத்தில் ஐந்து பாடல்கள் இடம் பெற்றுள்ளன. ராஜ ராஜ ராஜனின் துள்ளலான வரிகளுக்கு துடிப்பாக இசை அமைத்துள்ளார், டி.கே. இமானுவெல். காதல் பாடல் காட்சிகளில் ஆனந்திக்கும் மலேசிய கதாநாயன் மகேனுக்கும் மிகச் சிறப்பான வேதியல் அமைந்துள்ளதாக கூறுகின்றனர், ‘துப்பார்க்கு துப்பாய’ திரைப்படத்தின் குழுவினர்.
மலேசியா மற்றும் சிங்கப்பூர் ரசிகர்களை கவரும் வகையில், ‘விகடகவி’ மகேன் அதிரடியான ‘ராப்’ பாடல் ஒன்றையும் பாடி உள்ளார். ராஜு நடனம் அமைக்க, ‘சிலம்பம்’ சையது சண்டைக் காட்சிகளை உருவாக்கி உள்ளார்.

திரைப்படத்திற்கு வண்ணமயமான ஒளிப்பதிவு செய்துள்ளார், சோலைராஜா. அருண் பிரசாத் படத்தொகுப்பை கவனிக்க, அட்டகாசமான ‘க்ராபிக்ஸ்’ காட்சிகளும் ‘துப்பார்க்கு துப்பாய’ திரைப்படத்தில் இடம் பெற்றுள்ளன. மைதிலி மகேந்திரன் மற்றும் கலைச்செல்வி சோலைராஜா இணை தயாரிப்பில் உருவாகி உள்ள ‘துப்பார்க்கு துப்பாய’ திரைப்படத்தில் அபரஜித், ஜெய்கணேஷ், மகாதாரா, தயாளன், ராகவன், கிஷோர், பிரியா, நகினா உள்ளிட்ட பலர் நடித்துள்ளனர்.

உதகை, கொடைக்கானல், வேலூர், பெங்களூர் மற்றும் ஆந்திர வனப்பகுதிகளில் படப்பிடிப்பை நடத்தி இருப்பதாக தெரிவித்துள்ள ‘துப்பார்க்கு துப்பாய’ படக்குழுவினர், இறுதிக் கட்ட பணிகள் நிறைவடைந்து திரைப்படம் விரைவில் வெளியாகும் என்றும் கூறியுள்ளனர்.


Post your comment





Related News
விஜய்யின் அட்வைஸ்தான் என்னை இந்தளவிற்கு கொண்டுவந்துள்ளது - ஜெய்
வதந்திக்கு முற்றுப்புள்ளி வைத்த சிம்பு பட நடிகை
அசுரன் படத்தில் இணைந்த வடசென்னை பிரபலம்
தளபதி 63 படத்தின் புதிய அப்டேட்
ரசிகர்களை அதிர்ச்சியடைய வைத்த வேதிகா
கதாநாயகியாக களமிறங்கும் அருண் பாண்டியன் மகள்
வடிவேலு வரவில்லை, இம்சை அரசனாகும் யோகி பாபு
மீண்டும் ரவிக்குமார், ரகுலுடன் இணைந்த சிவகார்த்திகேயன்
வர்மா படக்குழுவில் இணைந்த பிரபலம் - அதிகாரப்பூர்வ அறிவிப்பு
காஷ்மீர் தாக்குதலில் பலியான இராணுவ வீரர் குடும்பத்துக்கு ரோபோ சங்கர் நேரில் ஆறுதல்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions