‘உரு’ படப்பிடிப்பின் போது ஆபத்தில் சிக்கிய படக்குழு

Bookmark and Share

‘உரு’ படப்பிடிப்பின் போது ஆபத்தில் சிக்கிய படக்குழு

கலையரசன், தன்ஷிகா நடித்துள்ள படம் ‘உரு’. புகழ் பெற்ற ஒரு எழுத்தாளர் தனது கதை எழுதும் பாணியை காலத்துக்கு ஏற்ப மாற்ற விரும்புகிறார். இதற்காக கொடைக்கானல் செல்லும் அவர் சந்திக்கும் சம்பவங்களே கதையாகி இருக்கிறது. வையம் மீடியாஸ் சார்பில் வி.பி. விஜி தயாரிக்கும் இந்த படத்துக்கு பிரசன்னா எஸ்.குமார் ஒளிப்பதிவு செய்துள்ளார்.ஜோகன் இசை அமைத்திருக்கிறார்.

இந்த படத்தை இயக்கியுள்ள விக்கி ஆனந்த் படப்பிடிப்பு அனுபவத்தை கூறும் போது...

“இந்த படத்துக்காக டிசம்பர் மாதம் 25 நாட்கள் கொடைக்கானல் பகுதியில் தங்கி இருந்தோம். கடும் குளிர் 4 டிகிரி வெப்பநிலையில் படப்பிடிப்பு நடத்தினோம். இதனால் நாயகன், நாயகி உள்பட அனைவரும் சிரமப்பட்டோம். இரவில் காட்டுப்பகுதியில் படப்பிடிப்பு நடத்திய போதும், பெரும் பிரச்சினைகளை சந்திக்க வேண்டியது இருந்தது. ஒரு நாள் காட்டெருமை கூட்டம் எங்களை சூழ்ந்து விட்டது. நல்ல வேளையாக முதலில் கவனித்ததால் மிகப்பெரிய ஆபத்தில் இருந்து தப்பினோம்.

இந்த படத்தின் இசை அமைப்பாளர் ஜோகன் புதுமையான முறையில் இசை அமைத்துள்ளார். பாடல்களை வித்தியாசமாக கொடுத்துள்ளார். அது புதுமையாக இருக்கும். தயாரிப்பாளர் வி.பி. விஜி படப்பிடிப்புக்கு தேவையான அனைத்து வசதிகளையும் செய்து கொடுத்தார். கலையரசன், தன்ஷிகா உள்பட அனைவருடைய நடிப்பும் சிறப்பாக அமைந்துள்ளது. ‘உரு’ பேய் இல்லாத வித்தியாசமான திகில் கதை” என்றார்.


Post your comment





Related News







About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2017. All rights reserved. Entertainment and Information Portal, TamilStar.com  Privacy Policy | Terms & Conditions