45 கோடி இருந்தால்தான் வாலு ரிலீஸ் ஆகுமாம்..!

Bookmark and Share

45 கோடி இருந்தால்தான் வாலு ரிலீஸ் ஆகுமாம்..!

நிக் ஆர்ட்ஸ் எஸ்.எஸ்.சக்கரவர்த்தி தயாரிப்பில் விஜய் சந்தர் என்ற புதுமுக இயக்குநர் இயக்கத்தில் சிம்பு - ஹன்சிகா நடித்த படம் - வாலு. சுமார் 3 வருடங்களுக்கு முன் தொடங்கப்பட்ட வாலு படம் பல்வேறு காரணங்களினால் தாமதமாகி வந்தது.

முக்கியமாக சிம்பு - ஹன்சிகா காதல் காரணமாக வாலு படத்தின் படப்பிடிப்பு பெரிதும் பாதிக்கப்பட்டது. படப்பிடிப்புக்குழுவினர் அனைவரும் படப்பிடிப்பு தளத்தில் காத்திருக்க, கேரவனிலிருந்து சிம்பு ஹன்சிகா இறங்கி வரவே அரைநாளாகிவிடுமாம்.

இப்படியாக சிம்புவும் ஹன்சிகாவும் பல நாட்கள் படப்பிடிப்பில் நடந்து கொண்டதால் படத்தின் பட்ஜெட் எகிறிவிட்டது. பட்ஜெட் எகிறியதால் தயாரிப்பாளர் வாங்கிய கடன் தொகையும் பல மடங்கு அதிகமாகிவிட்டது.

வாலு படத்துக்காக தயாரிப்பாளர் வாங்கிய கடன் தொகையும் வட்டியும் சுமார் 45 கோடி ரூபாய். சிம்பு நடித்த படத்துக்கு பிசினஸ் பத்து கோடிக்குள்தான். வாலு படத்தை வாங்கும் விநியோகஸ்தர்கள் தரப்பிலிருந்து ரூ.10 கோடி தேறினாலும், பாக்கி 35 கோடியை புரட்டி பைனான்ஸியருக்கு ரூ.45 கோடியை தயாரிப்பாளர் செட்டில் பண்ண வேண்டுமாம்.

அப்படி செட்டில் பண்ணினால் மட்டுமே வாலு படம் வரும் 8 ஆம் தேதி ரிலீஸ் ஆகுமாம். இந்த இக்கட்டானநிலையில் வட்டியை தள்ளுபடி செய்யும்படி பைனான்ஸியரிடம் கேட்டிருக்கிறாராம் தயாரிப்பாளர். ஒருவேளை பைனான்சியர் மனம் மாறினால் வாலு பிரச்சனை இல்லாமல் ரிலீஸ் ஆகும் என்பதே தற்போதைய நிலவரம்.

 


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions