சிறுநீரகத்தில் கல்: நடிகை வித்யா பாலன் மருத்துவமனையில் அனுமதி

Bookmark and Share

சிறுநீரகத்தில் கல்: நடிகை வித்யா பாலன் மருத்துவமனையில் அனுமதி

சிறுநீரகக் கல்லுக்கு சிகிச்சை பெறுவதற்காக நடிகை வித்யா பாலன் மும்பை மருத்துவமனையில் அனுமதிக்கப்பட்டார்.

இந்திப்பட உலகின் முன்னணி நடிகை வித்யா பாலன். சில்க் ஸ்மிதாவின் வாழ்க்கை வரலாறை அடிப்படையாக கொண்ட 'தி டர்ட்டி பிக்சர்' என்ற படத்தின் மூலம் பெரும் புகழ்பெற்ற இவர், தொடர்ந்து குணச்சித்திர நடிகையாகவும், மாடலிங் துறையிலும் முன்னணியில் இருந்து வருகிறார்.

37 வயதாகும் வித்யா பாலனுக்கு நாளை 2016 புத்தாண்டுடன் 38–வது வயது பிறக்கிறது. பிறந்த நாள் விழாவை அவர் கணவருடன் நியூயார்க் நகரில் கொண்டாட திட்டமிட்டிருந்தார். அதன்படி நேற்று முன்தினம் (டிசம்பர்-29) அபுதாபிக்கு விமானத்தில் சென்று அங்கிருந்து நியூயார்க் விமானத்தை பிடிக்க இருவரும் திட்டமிட்டிருந்தனர்.

இதற்காக வித்யா பாலன் கணவருடன் மும்பை விமான நிலையம் சென்று அபுதாபி விமானத்தில் ஏறி அமர்ந்தார். விமானம் புறப்பட தயாராக இருந்த போது திடீர் என்று வித்யாபாலனுக்கு கடுமையான முதுகு வலி ஏற்பட்டது.

உடனே சித்தார்த் ராய் கபூர், வித்யாபாலனுடன் விமானத்தில் இருந்து இறங்கி நேராக காரில் மும்பை இந்துஜா மருத்துவமனைக்கு சென்றனர். அங்கு டாக்டர்கள் வித்யாபாலனுக்கு 'ஸ்கேன்' எடுத்து பார்த்ததில் சிறுநீரகத்தில் கல் உருவாகி இருப்பது தெரியவந்தது.

இதையடுத்து உடனடியாக மருத்துவமனையில் அனுமதிக்கப்பட்ட அவருக்கு, சிறுநீரக கல்லை கரைப்பது தொடர்பான சிகிச்சை அளிக்கப்பட்டு வருகிறது. இதன் காரணமாக வித்யாபாலனின் வெளிநாட்டுப் பயணமும் பிறந்த நாள் மற்றும் புத்தாண்டு கொண்டாட்டமும் ரத்து செய்யப்பட்டது.

கைதேர்ந்த மருத்துவர்கள் அவருக்கு சிகிச்சை அளித்து வருவதாகவும் விரைவில் அவர் குணமடைவார் என்றும் அவரது உதவியாளர் தெரிவித்துள்ளார். 


Post your comment





Related News
வித்தக கவிஞர் பா விஜய், பாடல் எழுதுவதை விட்டுவிடக்கூடாது இயக்குநர் கே பாக்யராஜ் வேண்டுகோள்
ஒரே ஷெட்யுலில் ” காற்றின் மொழி “ ஷூட்டிங்கை முடித்தார் ஜோதிகா !
பால்காரியாக நடிக்கும் ராகுல் ப்ரீத்? எந்த படம் தெரியுமா..?
தென் திரையுலகில் தடம் பதிக்கும் நடிகை வித்யாபாலன்
வசந்தபாலன் - ஜி.வி.பிரகாஷ் இணையும் புதிய படத்தின் படப்பிடிப்பு ஆரம்பம்
பிரபல நடிகருக்கு மனைவியாகும் புகழ் பெற்ற நடிகை வித்யா பாலன்!
ஸ்ரீதேவி வாழ்க்கை படமாகிறது, ஹீரோயின் இவரா?
OMG அருவி பட அதிதியா இது? ஷாக்கானா ரசிகர்கள் - வைரலாகும் புகைப்படம்.!
மெகா ஹிட் படத்தின் ரீமேக்கில் ஜோதிகா - இப்படியொரு ரோலா?
இந்திராகாந்தி படம் இன்னும் உறுதியாகவில்லை - வித்யா பாலன் விளக்கம்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions