பேட்டை ரவுடியாக நடிக்கும் வியட்நாம் வீடு சுந்தரம்!

Bookmark and Share

பேட்டை ரவுடியாக நடிக்கும் வியட்நாம் வீடு சுந்தரம்!

சிவாஜி நடித்த வியட்நாம் வீடு படத்தை இயக்கியவர் சுந்தரம். அதையடுத்து அவர் பெயருக்கு முன்னால் வியட்நாம் வீடு என்பது ஒட்டிக்கொண்டது. பின்னர் கெளரவம் உள்பட சில படங்களை இயக்கிய அவர், பல படங்களுக்கு ஸ்கிரிப்டும் எழுதியுள்ளார். சமீபகாலமாக டிவி சீரியல்களிலும் பிசியாக நடித்து வரும் அவர், இகோர் இயக்கியுள்ள வந்தாமலை என்ற படத்தில் பேட்டை ரவுடியாக ஒரு கேரக்டரில் நடித்துள்ளார்.

இதுபற்றி அவர் கூறுகையில்,

இந்த படத்தில் எனக்கு நடிக்க சான்ஸ் கொடுத்ததே பெரிய விசயம். அதிலும், என்னை ஒரு பேட்டையின் ரவுடியாக வித்தியாசமான கெட்டப்பில் காண்பித்திருக்கிறார் இயக்குனர் இகோர். அதற்கே நான் அவருக்கு பெரிய நன்றி சொல்ல வேண்டும்.

நான் சிவாஜியை வைத்தே படமெடுத்தவன். ஆனால் இன்றைக்கு எனது முகவரியை தொலைத்து விட்டு நிற்கிறேன். மேலும், சிவாஜி நடித்த காலத்தில் யாரேனும் புதுமுகங்கள் நடிக்க வந்திருந்தால், அவர்களை அழைத்து நடிக்க வந்திருக்கியா? என்றொரு கேள்வி கேட்பார்.

அதைக்கேட்டாலே அந்த புதுமுகம் அப்புறம் நடிக்கவே மாட்டான். அப்படியிருக்கும் அவரது கேள்வி. ஆனால், எம்.ஆர்.ராதா வேறு மாதிரியாக சொல்வார். அதாவது, ஒரு நடிகனை இப்படி நடி என்று சொல்வதைவிட இந்த காட்சியை உனது ஸ்டைலில் நடித்து காட்டு என்று வேலை வாங்குவதுதான் சிறந்தது என்பார்.

அதேபோல் இந்த படத்தில் அவரவர் திறமைக்கேற்ப வித்தியாசமான கோணத்தில் வேலை வாங்கியிருக்கிறார் இகோர். குறிப்பாக, அந்த காலத்தில் ஸ்ரீதர் இயக்கிய காதலிக்க நேரமில்லை படம் எவ்வளவு சிறப்பாக இருந்ததோ, அதற்கு இணையாக இந்த வந்தாமலை படத்தை காதல், காமெடி, செண்டிமென்ட், கருத்து என அனைத்தையும் கலந்து ஒரு ஜாலியான படமாக கொடுத்திருக்கிறார் இகோர். இப்படியொரு படத்தில் நானும் நடித்திருப்பது எனக்கு மிகுந்த மகிழ்ச்சியை கொடுத்திருக்கிறது என்றார் வியட்நாம் வீடு சுந்தரம்.


Post your comment





Related News
ஓடு ராஜா ஓடு படத்தின் சென்னை ரிலீஸை கைப்பற்றிய ஜாஸ் சினிமாஸ்.!
‘ஜோக்கர்’ ஹீரோ குரு சோமசுந்தரம் நடிக்கும் ஓடு ராஜா ஓடு
ஓடு ராஜா ஓடு படத்திற்காக ஒன்றிணைந்த திரையுலக பிரபலங்கள்.!
சந்தானத்தின் சர்வர் சுந்தரம் புதிய ரிலீஸ் தேதி அறிவிப்பு
அல்லு அர்ஜுன் தமிழில் நடிக்கும் "என் பெயர் சூர்யா என் வீடு இந்தியா" .
ஜோக்கர் படத்துக்கு தேசிய விருது கிடைத்த சந்தோசம் தாண்டி வருத்தம் இருக்கிறது - எஸ் ஆர் பிரபு
ஏன் அந்த மாஸ்டர், தனுஷ் படத்திலிருந்து விலகினார்? இன்று வரை தெரியவில்லை
சர்வர் சுந்தரம் படப்பிடிப்பு முடிந்தது – விரைவில் ரிலீஸ்!
ஜோக்கர் குரு சோமசுந்தரத்துக்கு வில்லனான சிம்ரனின் கணவர்
சர்வர் சுந்தரத்துக்காக துபாய் சென்ற சந்தானம்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions