விஜய் ஒரு நல்ல ரசிகன்: வைரமுத்துவின் புலி அனுபவம்

Bookmark and Share

விஜய் ஒரு நல்ல ரசிகன்: வைரமுத்துவின் புலி அனுபவம்

எம்.எஸ்.வி. முதல் டி.எஸ்.பி வரை பாடல்கள் எழுதியுள்ள வைரமுத்து யாருக்குமே சோடை போகும் பாடல்கள் தருபவரல்ல. தற்போது புலி படத்தில் இளைய தலைமுறை இசையமைப்பாளர் எனப்படும் தேவிஸ்ரீ பிரசாத்துடன் இணைந்து பணியாற்றியது பற்றிக் கூறும் போது...

"தேவிஸ்ரீ பிரசாத் உற்சாகமான இளைஞன். அவருக்குத் தாய் மொழி தெலுங்கு என்ற போதிலும் தமிழ்ப் பாடல்கள் பற்றி நிறையவே தெரிந்து வைத்திருக்கிறார். ஏகப்பட்ட பாடல்களைப் பாடிக் காட்டுவார். ஓர் இசையமைப்பாளருக்கு மொழி நேசமும், கவிஞருக்கு இசைப்புலமையும் இருக்க வேண்டும். அப்படி இருந்தால் அந்தப் பாடல் நன்றாக வரும்.

பரஸ்பரம் இந்த சக்தியைப் பரிமாற்றம் செய்கிறபோது பாடல் சிறப்பாக வரும். தேவிஸ்ரீ பிரசாத்திடம் மொழி பற்றிய புரிதலும் தொழில்நுட்ப அறிவும் இருக்கின்றன.

அவருடன் பேசிப் பழகியபோது சிறுவயது முதலே என் வரி கேட்டு வளர்ந்திருப்பதாகக் கூறினார். பேச்சுக்கு சொல்கிறாரோ, என்று நினைத்தேன் என் வரிகளை எல்லாம் சொல்லிக் காட்டியபோது பாடிக் காட்டியபோது மகிழ்ச்சியாக நம்பினேன்.

இசையும் மொழியும் காதலர்கள் போல ஒருவருக்கொருவர் விட்டுக் கொடுத்து தழுவிக் கொள்ளுதலே திரைப்பாடல். அங்கு ஆரத்துபும் அன்பு மட்டுமே இருக்க வேண்டும். ஆதிக்கம் செய்யும் மனோபாவம் இருக்கக் கூடாது.

புலியில் இசையும், மொழியும் இரண்டறக் கலந்து இருக்கும் என நம்பலாம். நான் எழுதும் படங்களைப் பொறுத்தவரை ஒரு பாடலாவது வெற்றி பெற்றால் போதும் என்று நினைக்க மாட்டேன்.

அனைத்துப் பாடல்களும் வெற்றி பெற வேண்டும் நினைப்பவன் நான். புலி யைப் பொறுத்தவரை நான் எழுதியுள்ள பாடல்களில் ஜனரஞ்சகமும் இருக்கும்; கருத்தும் இருக்கும்; இலக்கியமும் இருக்கும், அடித்தட்டு மக்களின் உணர்வும் இருக்கும், வாழ்க்கைச் சாரமும் இருக்கும். புலியிலுள்ள ஆறு பாடல்களும் விஜய்க்கு பெரிய வெற்றிப் பாடல்களாக அமையும்.

என் வரிகளில் விஜய் ஒரு பாடலையும் பாடி இருக்கிறார். விஜய் ஒரு சிறந்த ரசிகர். வெளியில் பார்த்தால் தெரியாது, அப்படித் தோன்றாது. அவர் இசையார்வம் மிக்கவர், வரிகளை ரசிப்பவர்.

என் பாடல்களை வாசித்தும் ரசித்தார், பாடியும் ரசித்தார். புலி படத்தின் பாடல்கள் பற்றி சொல்ல நிறைய இருக்கின்றன. அவை வெளியானதும் பேசுவதே நாகரிகம்" என்று முடித்துக் கொண்டார்.


Post your comment





Related News
விஜய்யின் அட்வைஸ்தான் என்னை இந்தளவிற்கு கொண்டுவந்துள்ளது - ஜெய்
தளபதி 63 படத்தின் புதிய அப்டேட்
மோகன்லால், மம்முட்டியை விட விஜய்க்கு ரசிகர்கள் அதிகம் - எம்.எல்.ஏ பேச்சால் பரபரப்பு
அருண் விஜய் படத்தில் குத்துச்சண்டை நடிகை
தளபதி 63 - அறிமுக பாடலில் விஜய்யுடன் நடனமாடும் 100 குழந்தைகள்
நாயகியின் உதட்டை கடிக்கவில்லை - வெட்கத்துடன் கூறும் அருண்விஜய்
சபரிமலை விவகாரம் - விஜய் சேதுபதி கருத்துக்கு ஆதரவும், எதிர்ப்பும்
தென்னிந்திய மொழிகளில் முதல்முறையாக விஜய் படத்திற்காக மெனக்கிடும் ஏ.ஆர்.ரஹ்மான்
விஜய் சேதுபதிக்கு சுருதிஹாசன் ஜோடி
ஷங்கர் இயக்கத்தில் விஜய், விக்ரம் வாரிசுகள்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions