பரதன் இயக்கத்தில் விஜய் நடிக்கும் 60-வது படத்தின் படப்பிடிப்பு கடந்த ஏப்ரலில் சென்னையில் தொடங்கி மூன்று நாட்கள் மட்டும் நடைபெற்றது.

இந்நிலையில் இதன் இரண்டாம் கட்ட படப்பிடிப்பு சமீபத்தில் சென்னை பின்னி மில்லில் மீண்டும் தொடங்கி விறுவிறுப்பாக நடைபெற்று வருகிறது.

இப்படத்தின் கதை முழுக்க முழுக்க திருநெல்வேலியில் நடப்பதுபோல் உருவாக்கப்பட்டுள்ளதாம். எனவே சென்னை பின்னி மில்லில் திருநெல்வேலியில் உள்ள வீடுகளை போல் செட் அமைத்து படப்பிடிப்பு நடத்தி வருகின்றனர். மேலும் இப்படம் ஆக்ஷன் கலந்த குடும்பம் சார்ந்த ஒரு படமாக உருவாகி வருகிறதாம்.

இப்படத்தில் விஜய் ஜோடியாக முதல்முறையாக கீர்த்தி சுரேஷ் நடித்து வருகிறார். மேலும் சுகுமார் ஒளிப்பதிவில் சந்தோஷ் நாராயணன் இப்படத்துக்கு இசையமைத்து வருகிறார்.