பிச்சைக்காரன் பாடல் குறித்து விஜய் ஆண்டனி விளக்கம்

Bookmark and Share

பிச்சைக்காரன் பாடல் குறித்து விஜய் ஆண்டனி விளக்கம்

விஜய் ஆண்டனி நடிப்பில் தற்போது உருவாகியுள்ள படம் ‘பிச்சைக்காரன்’. சமீபத்தில் இப்படத்தின் பாடல் ஒன்று வெளியானது. இந்த பாடல் டாக்டர்களை அவமதித்திருப்பதாக சர்ச்சை எழுந்துள்ளது. இதுகுறித்து விஜய் ஆண்டனி விளக்கம் அளித்துள்ளார்.

அவர் வெளியிட்டுள்ள அறிக்கையில், ‘பாழா போன உலகத்துல காசு பணம் பெருசு’ என்ற சமூக விழிப்புணர்வு பாடலை, ‘பிச்சைக்காரன்’ படத்தின் விளம்பர பாடலாக கவிஞர் லோகன் எழுதியுள்ளார்.

அந்த பாடலில், பண பலம் படைத்த கல்வித்தகுதி இல்லாத சிலர், தன் பண பலத்தை உபயோகித்து தனியார் கல்வி நிறுவனங்கள் சிலவற்றுக்கு லட்சங்களையும் கோடிகளையும் கொடுத்து, மருத்துவர்களாகி, நல்ல மருத்துவ சமுதாயத்துக்கு களங்கம் விளைவிக்கின்றார்கள் என்பதைத்தான், ‘கோட்டாவுல சீட்டு வாங்கி டாக்டராவுரான்’ என்று பாடலாசிரியர் லோகன் குறிப்பிட்டுள்ளார்.

பிற்படுத்தப்பட்ட சமூகத்தை சேர்ந்த டாக்டர்களை அவமதித்து, லோகன் இந்த பாடலை எழுதவில்லை. இன்னும் சொல்லப் போனால், லோகனும் பாடலை பாடிய வேல்முருகனும் பிற்படுத்தப்பட்ட சமூகத்தில் இருந்து வந்து, சாதனை படைத்தவர்கள்தான்.

ஒரு வரியை வைத்து எங்கள் மீது களங்கம் கற்பிக்க வேண்டாம், இந்த பாடலை முழுமையாக கேட்டால்தான், இந்த பாடல் எழுதப்பட்ட நோக்கம் என்ன, அது யாருக்காக எழுதப்பட்டது, என்பது உங்களுக்கு புரியும்.

இந்த பாடல் மூலம், சமுதாயத்தில் ஒடுக்கப்பட்ட மக்களின் பிரச்சனைகளைத்தான் எடுத்து சொல்கிறோமே தவிர, யாரையும் புண்படுத்தும் நோக்கம் எங்களுக்கு இல்லை.

ஒரு நல்ல மருத்துவன் எப்படி வாழ வேண்டும் என்று, என்னுடைய முந்தைய படமான ‘சலீம்’-ல் வாழ்ந்து காட்டியவன் நான். சமூகத்தின் மேல், குறிப்பாக ஒடுக்கப்பட்ட சமூதாயத்தின் மேல், மிகுந்த அக்கறை எனக்கு உண்டு.

பாடலின் அர்த்தம் சிலருக்கு சரியாக புரியவில்லை என்பதால், ‘கோட்டா’ என்ற வார்த்தையை நீக்கிவிட்டு, ‘காசு கொடுத்து’ என மாற்றி விட்டோம் என்பதை, தங்களிடம் தெரிவித்துக் கொள்கிறேன்.

பாடலாசிரியர் லோகன் எழுதிய பாடல் வரிகள் சிலரை புண்படுத்தி இருந்தால், அதற்கு என் ‘பிச்சைக்காரன்’ படக்குழுவின் சார்பாக நான் தகுந்த விளக்கமளித்துள்ளேன்.
இவ்வாறு அறிக்கையில் கூறப்பட்டுள்ளது.


Post your comment





Related News
விஜய்யின் அட்வைஸ்தான் என்னை இந்தளவிற்கு கொண்டுவந்துள்ளது - ஜெய்
தளபதி 63 படத்தின் புதிய அப்டேட்
மோகன்லால், மம்முட்டியை விட விஜய்க்கு ரசிகர்கள் அதிகம் - எம்.எல்.ஏ பேச்சால் பரபரப்பு
அருண் விஜய் படத்தில் குத்துச்சண்டை நடிகை
தளபதி 63 - அறிமுக பாடலில் விஜய்யுடன் நடனமாடும் 100 குழந்தைகள்
நாயகியின் உதட்டை கடிக்கவில்லை - வெட்கத்துடன் கூறும் அருண்விஜய்
சபரிமலை விவகாரம் - விஜய் சேதுபதி கருத்துக்கு ஆதரவும், எதிர்ப்பும்
தென்னிந்திய மொழிகளில் முதல்முறையாக விஜய் படத்திற்காக மெனக்கிடும் ஏ.ஆர்.ரஹ்மான்
விஜய் சேதுபதிக்கு சுருதிஹாசன் ஜோடி
ஷங்கர் இயக்கத்தில் விஜய், விக்ரம் வாரிசுகள்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions