விக்ரம் கலகலப்பாக பழகும் நல்ல மனிதர்: ஸ்ரீபிரியங்கா

Bookmark and Share

 விக்ரம் கலகலப்பாக பழகும் நல்ல மனிதர்: ஸ்ரீபிரியங்கா

விக்ரம் தற்போது நடித்து வரும் படம் ‘ஸ்கெட்ச்’. விஜயசந்தர் இயக்கும் இந்த படத்தில் தமன்னா நாயகியாக நடிக்கிறார். ஸ்ரீ பிரியங்கா 2-வது நாயகியாக நடிக்கிறார் . அவருடன் நடிக்கும் அனுபவம் குறித்து ஸ்ரீபிரியங்கா கூறும்போது,‘விக்ரம் படம் என்பதால் இதில் 2-வது நாயகியாக நடிக்க சம்மதித்தேன். அவர் முன்னணி நடிகர் என்பதால், முதல்நாள் படப்பிடிப்புக்கு பயந்து கொண்டே சென்றேன்.

ஆனால் அவர் மிகவும் அன்பாக பழகினார். நடிப்பு சொல்லிக்கொடுத்தார்.படப்பிடிப்பு இல்லாத மற்ற நேரங்களில் அனைவரிடமும் கலகலப்பாக பழகினார். மிகவும் நல்ல மனிதர் என்பதை தெரிந்து கொண்டேன். அதன்பிறகு அவர் மீது எனக்கு இருந்த பயம் நீங்கிவிட்டது. ‘ஸ்கெட்ச்’ படத்தில் தமன்னா நாயகி என்றாலும், எனக்கும் முக்கியமான வேடம். நாங்கள் 3 பேரும் இடம் பெறும் பாடலும் இதில் இருக்கிறது.

இந்த படம் என்னை அடுத்த கட்டத்துக்கு கொண்டு செல்லும் படமாக அமையும் என்று நம்புகிறேன்.இதுதவிர ‘பிச்சுவாகத்தி’ ‘மிகமிக அவசரம்’ ஆகிய படங்களில் நாயகியாக நடிக்கிறேன். இந்த 3 படங்களும் வரும் போது எனக்கு தமிழ் சினிமாவில் நிலையான இடம் கிடைக்கும். இனி பிரபல ஹீரோக்களுடன் நடிக்க விரும்புகிறேன். ஹீரோயிசம் உள்ள கமர்சியல் படங்களில் நடிக்க ஆர்வமாக இருக்கிறேன்” என்றார்.

 


Post your comment





Related News







About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2017. All rights reserved. Entertainment and Information Portal, TamilStar.com  Privacy Policy | Terms & Conditions