நட்புக்காக தலைகாட்டும் நட்பு நடிகர்கள்!

Bookmark and Share

நட்புக்காக தலைகாட்டும் நட்பு நடிகர்கள்!

முன்னணி கதாநாயக நடிகர்கள், மற்ற ஹீரோக்களின் படங்களில் நட்புக்காக(?) கௌரவ வேடங்களில் தலைகாட்டுவது புதிதல்ல. காலம் காலமாகவே நடைபெற்று வரும் விஷயம்தான். ஆனாலும் சமீபகாலமாக ஒரு ஹீரோ நடிக்கும் படத்தில் நட்புக்காக இன்னொரு ஹீரோ நடிப்பது அதிகமாகி விட்டது.  

சில வருடங்களுக்கு முன்பு வரை முன்னணியில் உள்ள ஹீரோக்களுக்கிடையில் நட்புணர்வு அரிதாக இருந்தது. போட்டியும் அதைவிட பொறாமையும் அதிகம் இருந்தன. அதனால் இரண்டு ஹீரோக்கள் இணைந்து நடிப்பதையே தவிர்த்தனர்.

சமீபகாலமாக... குறிப்பாக ஆர்யாவின் வருகைக்கு பிறகு இளம் ஹீரோக்களுக்கு மத்தியில் மற்றவர்கள் பொறாமைப்படுகிற அளவுக்கு நட்பு ஏற்பட்டது. அதன் காரணமாக தற்போது ஒரு ஹீரோவின் படத்தில் மற்ற ஹீரோ நட்புக்காக தலைகாட்டுகின்றனர்.

ராஜேஷ்.எம் தற்போது இயக்கி வரும் படம் - வாசுவும் சரவணனும் ஒன்னா படிச்சவங்க. சுருக்கமாக விஎஸ்ஓபி என்று சொல்லப்படும் இந்தப் படத்தில் ஆர்யா ஹீரோ. அவருடைய நண்பரான  விஷால் விஎஸ்ஓபி படத்தில் கௌரவ வேடத்தில் நடிக்கிறார்.

பாண்டிராஜ் இயக்கத்தில், சிம்பு நடிக்கும், இது நம்ம ஆளு படத்தில், சிம்புவுடன் ஜெய் கேமியோ ரோலில் நடிக்கிறார். விஷ்ணு நடிக்கும் இன்று நேற்று நாளை படத்தில் கெஸ்ட் ரோலில் ஆர்யா நடிக்கிறார்.

கௌதம் கார்த்திக் நடிக்கும், ஐஸ்வர்யா தனுஷ் இயக்கியுள்ள வை ராஜா வை படத்தில் தனுஷ் ஒரு கேமியோ ரோலில் நடித்துள்ளார். இது ஒரு பக்கமிருக்க, கன்னட சூப்பர் ஸ்டார்களில் ஒருவரான சிவராஜ் குமார் நடிக்கும் வஜ்ர கயா என்ற கன்னடப் படத்தில் அவருடன் ஒரு பாடலுக்கு நடனம் ஆடி நடித்துவிட்டு வந்திருக்கிறார் சிவகார்த்திகேயன். 


Post your comment





Related News








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2018. All rights reserved. Entertainment and Information Portal, TamilStar.com  Privacy Policy | Terms & Conditions