இந்தியாவில் கொரோனா வைரஸ் வேகமாக பரவி வருகிறது. இந்த வைரஸ் தொற்றுக்கு பலர் பலியாகி உள்ளனர். 3 ஆயிரத்துக்கும் மேற்பட்டோர் பாதிக்கப்பட்டு உள்ளனர். இந்த நிலையில் நடிகர் ஜாக்கிசான் இந்தியர்களுக்கு கொரோனா விழிப்புணர்வு ஏற்படுத்தும் வீடியோ ஒன்றை வெளியிட்டு இருக்கிறார்.
அதில் அவர் பேசி இருப்பதாவது:- “இது அனைவருக்குமே கஷ்டமான காலம் என்பது எனக்கு தெரியும். எல்லோரும் கொரோனா வைரஸ் பிரச்சினையை எதிர்கொண்டு இருக்கிறோம். கொரோனா வைரஸ் ஆபத்தானது. இந்த நேரத்தில் அனைவரும் வீட்டில் இருந்து கொரோனாவை நாட்டை விட்டே விரட்ட வேண்டும். அரசின் கட்டுப்பாடுகளை மதித்து நடக்க வேண்டும்.
நீங்கள் வெளியே செல்ல வேண்டிய நிலைமை ஏற்பட்டால் கண்டிப்பாக முக கவசம் அணிந்து கொள்ளுங்கள். அது உங்களையும், உங்களை சார்ந்தவர்களையும் பாதுகாக்கும். அடிக்கடி கைகளை கழுவுங்கள். பாதுகாப்பாகவும், தைரியமாகவும் இருங்கள். ஒளிமயமான எதிர்காலம் நமக்கு காத்து இருக்கிறது. ஜெய் ஹோ”. இவ்வாறு ஜாக்கிசான் பேசி உள்ளார். இந்த வீடியோ சமூக வலைத்தளங்களில் வைரலாகி வருகிறது.
Stay Safe! Stay Strong! 💪💪💪 pic.twitter.com/zty6eyVJhN
— Jackie Chan (@EyeOfJackieChan) April 3, 2020