தமிழ் சினிமாவில் இயக்குனர் இமயம் என்று பெயர் பெற்றவர் பாரதிராஜா. இவர் தற்போது பல படங்களில் நடித்து வருகிறார். சமீபத்தில் இவர் சிவகார்த்திகேயன் நடிப்பில் வெளியான ‘நம்ம வீட்டுப்பிள்ளை’ படத்தில் தாத்தாவாக நடித்து ரசிகர்களை கவர்ந்தார்.
இந்நிலையில் பாரதிராஜாவின் கனவுப் படைப்பான ‘குற்றப் பரம்பரை’ என்ற படம் தற்போது வலை தொடராக (Web Series) வெளிவரவிருக்கிறது. இதனை பிரபல தயாரிப்பாளர் சுரேஷ் காமாட்சி தனது வி ஹவுஸ் புரொடக்ஷன்ஸ் சார்பில் தயாரிக்க இருப்பதாக அறிவித்திருக்கிறார்.
தயாரிப்பாளர் சுரேஷ் காமாட்சி, சமீபத்தில் வெளியான ‘மிகமிக அவசரம்’ படத்தை இயக்கியவர். மேலும் வெங்கட் பிரபு இயக்கத்தில் சிம்பு நடிக்கும் ‘மாநாடு’ படத்தையும் தயாரிக்கிறார் என்பது குறிப்பிடத்தக்கது.