Tamilstar
News Tamil News சினிமா செய்திகள்

‘ஆர்.ஆர்.ஆர்’ படத்தின் 8 நிமிட பாடல் காட்சி…. ஒரு மாதம் படமாக்க ராஜமவுலி திட்டம்

8 minute song scene of 'RRR' .... Rajamavuli plan to shoot for a month

இயக்குனர் ராஜமவுலி இயக்கத்தில் தற்போது இரத்தம் ரணம் ரௌத்திரம் (ஆர்.ஆர்.ஆர்) படம் உருவாகி வருகிறது. இப்படத்தில் தெலுங்கின் முன்னணி கதாநாயகர்களான ராம்சரண் தேஜா மற்றும் ஜூனியர் என்.டி.ஆர் ஆகியோர் முதன்மை கதாபாத்திரத்தில் நடித்து வருகின்றனர்.

டிவிவி தானய்யா தயாரிக்கும் இந்தப் படம் பிரம்மாண்ட பட்ஜெட்டில் உருவாகி வருகிறது. இப்படம் தமிழ், தெலுங்கு, இந்தி, கன்னடம், மலையாளம் ஆகிய 5 மொழிகளில் உருவாகி வருகிறது. இப்படத்தின் படப்பிடிப்பு இறுதிக்கட்டத்தை எட்டி உள்ளது.

இந்நிலையில், இப்படத்தின் பாடல் காட்சி ஒன்றை ஒரு மாதம் படமாக்க ராஜமவுலி திட்டமிட்டு உள்ளாராம். ராம்சரண், ஜூனியர் என்.டி.ஆர் இணைந்து நடிக்கும் இப்பாடல் 8 நிமிட நீளம் கொண்டதாம். மேலும் இப்பாடலில் நூற்றுக்கணக்கான ஜூனியர் ஆர்ட்டிஸ்டுகளையும் நடனமாட வைத்து பிரம்மாண்டமாக படமாக்க உள்ளதாக கூறப்படுகிறது. விரைவில் இந்த பாடல் காட்சியை படமாக்க உள்ளார்களாம்.