உலக சினிமாவில் முன்னணி நடிகராக வலம் வருபவர் கமல்ஹாசன். உலகநாயகன் என ரசிகர்களால் கொண்டாடப்படும் இவர் 230-க்கும் மேற்பட்ட படங்களில் நடித்துள்ளார்.
இவரது நடிப்பில் இறுதியாக வெளியான விக்ரம் திரைப்படம் மிகப்பெரிய வெற்றியை பெற்றதை தொடர்ந்து தற்போது இந்தியன் 2 படத்தில் நடித்து வருகிறார். இந்த படத்தைத் தொடர்ந்து அடுத்ததாக வினோத் இயக்கத்தில் உருவாக உள்ள படத்தில் நடிக்க இருப்பதாகவும் இது குறித்து அறிவிப்பு நேற்று மாலை வெளியாக இருப்பதாகவும் சொல்லப்பட்டது.
மாலை 6:00 மணிக்கு சொல்லப்பட்டது போல அறிவிப்பு வெளியானது. ஆனால் படத்தின் இயக்குனர் வினோத் இல்லை என தெரிய வந்தது. கமலின் அடுத்த படத்தை இயக்குனர் மணிரத்தினம் இயக்கப் போவதாக அறிவிக்கப்பட்டது. ரெட் ஜெயன்ட் மூவிஸ், மெட்ராஸ் டாக்கீஸ் இணைந்து தயாரிக்க இந்த படத்திற்கு ரகுமான் இசையமைக்கிறார்.
35 வருடங்களுக்கு முன்னர் இவர்களது கூட்டணியில் நாயகன் திரைப்படம் வெளியானதை தொடர்ந்து தற்போது இந்த மேஜிக் கூட்டணி அமைந்திருப்பது ரசிகர்களை கொண்டாட வைத்துள்ளது.
Here we go again! #KH234
பயணத்தின் அடுத்த கட்டம்!
#ManiRatnam @Udhaystalin @arrahman #Mahendran @bagapath @RKFI @MadrasTalkies_ @RedGiantMovies_ @turmericmediaTM pic.twitter.com/ATAzzxAWCL— Kamal Haasan (@ikamalhaasan) November 6, 2022