Tamilstar
News Tamil News சினிமா செய்திகள்

நிலம் வாங்கித் தருவதாக ரூபாய் 2.70 கோடி மோசடி – பிரபல நடிகரின் தந்தையின் மீது நடிகர் சூரி பரபரப்பு புகார்!

தமிழ் சினிமாவின் முன்னணி காமெடி நடிகர்களில் ஒருவராக வலம் வருபவர் சூரி. சுசீந்திரன் இயக்கத்தில் விஷ்ணு விஷால் நடிப்பில் வெளியான வெண்ணிலா கபடி குழு படத்தின் மூலமாக ரசிகர்கள் மத்தியில் பரோட்டா சூரியாக பிரபலமானார்.

இந்தப் படத்தைத் தொடர்ந்து பல படங்களில் நடித்து வந்த இவர் தற்போது சூப்பர் ஸ்டார் ரஜினிகாந்துடன் முதல் முறையாக இணைந்து அண்ணாத்த திரைப்படத்தில் நடித்து வருகிறார்.

இவர் தற்போது தன்னிடம் இடம் வாங்கி தருவதாக கூறி 2.70 கோடி மோசடி செய்ததாக நடிகர் விஷ்ணு விஷாலின் தந்தை ரமேஷ் மற்றும் தயாரிப்பாளர் அன்புவேல் ராஜன் ஆகியோர் மீது அடையாறு காவல் நிலையத்தில் புகார் அளித்துள்ளார்.

இவருடைய இந்த புகாரால் திரையுலகில் பரபரப்பு ஏற்பட்டுள்ளது. போலீசார் வழக்குப்பதிவு செய்து சம்பந்தப்பட்டவர்கள் மீது விசாரணை நடத்தி வருகின்றனர்.